Martxoko agenda kulturala
2017-03-01 | iruzkinak: 0 | Lasarte-Oriako udala
Martxoa askotariko programazioarekin datorkigu: zinemak, teatroak, erakusketek, musikak, dantzak eta hitzaldiek beteko dituzte Lasarte-Oriako kultura-guneak. Martxoaren 8a izango da hilabetearen ardatz nagusietako bat.
Jesus Zaballos alkateak eta Maite Iglesias kulturako zinegotziak aurkeztu dute martxorako programazio kulturala. Emakumeen Nazioarteko Eguna ospatzeko jarduerak berriz ere hilabeteko protagonistak izango dira.
HAZILAN proiektuan izen emateko epea irekita
2017-03-01 | iruzkinak: 0 | Lasarte-Oriako udala
Hazilan, gazte enplegua sustatzeko programaren bigarren edizioa, martxan dago. Izen emateko epea martxoan itxiko da.
Hazilan programak etorkizuneko proiektuak dituzten enpresak identifikatzen ditu eta lan bat lortzeko behar dituzun baliabideak ematen dizkizu.
Programa hau unibertsitate-titulua edo goi-mailako prestakuntza-zikloa duten eta langabezian dauden 20-35 urteko gazteentzat da.
Informazio gehiago nahi baduzu, idatzi hazilan@andoain.eus edo 943 30 42 21 telefonoan. Baita www.hazilan.eus
SAEDaren aldeko kontzentrazioa
2017-02-28 | iruzkinak: 0 | Lasarte-Oriako udala
Atzo arratsaldean, lasarteoriatar talde ugari batek bere solidaritatea agertu zion Saharako Errepublika Arabiar Demokratikoari (SAED) haren 41. urteurrena dela eta, Bozeramaileen Batzordeak onetsitako deklarazio instituzionalaren arabera. Egun osoan SAEDeko bandera udaletxeko balkoian jarrita egon da.
Martxoaren 8ko ekitaldien aurkezpena
2017-02-28 | iruzkinak: 0 | Lasarte-Oriako udala
Zinema, ipuin-kontaria, antzerkia, zumba eta erakusketa bat, martxoaren 8an Emakumeen Nazioarteko Eguna dela eta Udalak antolatu dituen ekitaldien lagin bat.
Jesus Zaballos alkateak Lourdes Acevedo zerbitzu sozialetako zinegotziarekin, Izaskun Oronoz teknikariaren eta Zentro Zibikoko arduradunekin batera aurkeztu du martxoaren 8rako aurreikusitako programazioa. Zaballosek esan duenez, udalak nahi duenaren ispilu izan nahi du, hau da, berdintasunaren aldeko lana jarduketa transbertsala izan dadila, arlo guztiena oro har, udaleko Berdintasunerako Planean xedatutakoaren arabera.
Ertzaintzarekin koordinatzeko protokoloa sinatu da
2017-02-27 | iruzkinak: 0 | Lasarte-Oriako udala
Jesus Zaballos Lasarte-Oriako alkateak eta Karmelo Martínez Hernaniko Ertzaintzaren komisariako buruak gaur goizean sinatu dute udaltzaingoaren eta Ertzaintzaren arteko harremanak arautuko dituen protokoloa. Barruan hartzen du generozko bortizkeriaren kasuetan nola jokatu.
Atsobakarko geralekua tokiz aldatua otsailaren 26ko igandean
2017-02-24 | iruzkinak: 0 | Lasarte-Oriako udala
Gure udalerrian inauteriak ospatuko direla-eta datorren otsailaren 26an igandearekin Kale Nagusia Ola Kalearen eta Tajamarren artean itxi egingo dela eta, TSST autobus-konpainiak Atsobakarko ohiko geralekua Atsobakarko biribilgunera lekualdatuko du, egun horretan urtero Tolosako inauterietara doazen Lasarte-Oriako herritarrei joan-etorria errazteko, hartara Zumaburuko jubilatueneko geralekuraino joan beharrik izan ez dezaten.
Autobus-konpainiak seinalizazio bertikala jarriko du geralekuan, bai eta informazio-kartelak ere ohiko geralekuan, nora lekualdatu den adieraziz.
Albiste honetan bertan ikus dezakezu irudi bat non gurutze gorri batekin agertzen baita geralekua nora lekualdatuko den.
Mirakanposera joateko kamioaren itxialdia
2017-02-24 | iruzkinak: 0 | Lasarte-Oriako udala
Herritarrei jakinarazten zaie, Zatarain eremua urbanizatzeko obrak direla eta, hilaren 27an itxi egingo dela San Frantzisko Kaletik Mirakanpos Urbanizaziora joateko kamioa, eta itxialdiak ibilgailuen nahiz oinezkoen zirkulazioari eragingo diola.
Kontuan izanda obrak burutzeko epea luzea izango dela, hainbat neurri hartuko dira sarbide alternatiboa errazteko. Horretarako, zenbait gune zabaldu egingo dira, Urnieta Bideko sarbidetik ibilgailuen gurutzatzea errazteko, eta oinezko sarbide bat egokituko da San Frantzisko Kaletik joateko.
Herritarrei eskatzen diegu ahalik gehien kolabora dezatela, eta erregutzen diegu barka ditzatela eragozpenak.
Anima Servicios-ek 1.500 euro entregatu dizkio Ostadar-Saiarrerri
2017-02-23 | iruzkinak: 0 | Lasarte-Oriako udala
Anima Servicios enpresak 1.500 euro entregatu dizkio Saiarreri, Ostadarren kirol egokitu eta inklusiboko sekzioari. Diru hori Eguberrietako Haur-Parkeko sarreretatik bildutakoari dagokio.
Sahara Errepublika Arabiar Demokratikoarekin bat egiteko Erakunde Adierazpena
2017-02-22 | iruzkinak: 0 | Lasarte-Oriako udala
Sahara Errepublika Arabiar Demokratikoa aldarrikatu zeneko 41. urteurrenea dela eta, bertaratutako Bozeramaileen Batzordekoek aho batez hurrengo erakunde adierazpena onartu dute:
Aterpearen bazkideak kaptatzeko kanpaina
2017-02-22 | iruzkinak: 0 | Lasarte-Oriako udala
Jesus Zaballos alkateak eta Ramón Ormazabal Aterpeako lehendakariak bazkideak kaptatzeko kanpaina aurkeztu dute, merkatariak eta ostalariak Aterpeako bazkide egitera gonbidatzen dituen gutun batekin hasiko dena.