Martxan da Askatasunaren Parkeari buruz parte hartzeko prozesua(Galdeketa itxita)
2018-06-08
Alkateak Askatasunaren Parkearen etorkizuneko berrantolamenduari eta erabilerei buruzko ideiak eta iradokizunak jasotzeko prozesu berria aurkeztu zuen. Prozesua Emun kooperatibak zuzenduko du, 9.293 euroko kostuarekin.
Alkateak, Agustin Valdivia hirigintzako zinegotzia eta Emun kooperatibako proiektuaren arduraduna den Olatz Irizar lagun zituela, azaldu zuen prozesu honi ekiteko arrazoia dela herritarren eskari bati erantzuna ematea, bai eta Udalbatzarrak gobernuko ekipoari emandako agindu bati ere. Prozesua ekainaren 8an abiatuko da, herritarren ideiak eta proposamenak jasotzeko orri bat etxez etxe banatzearekin.
Askatasunaren Parkearen erabilera posibleei eta berrantolamenduari buruzko ideiak jasotzeko zer metodologia erabiliko den azaldu zuen enpresa adjudikatarioko Olaz Irizarrek. Iradokizunetarako orri bat etxez etxe banatzearekin hasiko da, eta herritarrek, behin identifikatutakoan, udalaren eraikinetan herritarrek parte hartzeko dauden postontzietan utzi beharko dute orri hori. Etxez etxe banatzeaz gain, orri hori udaletxeko bulegoetan ere jaso ahalko da edo udalaren webgunetik deskargatu. Horrez gain, kale mailako inkestak egingo dira inguru horretan. Proposamenak entregatzeko epea ekainaren 22an amaituko da.
Gainera, bilketa berezi bat egingo da eskoletan, gurasoek beren iritzia eman ahal dezaten. Parte hartzeko orrien banaketa ekainaren 11tik aurrera egingo da, eskoletan bertan. Udaleko zerbitzuburuei ere kontsulta egingo zaie, parke horren erabileraren edo mantentzioaren arduradun gisa beren ikuspegia eskain dezaten.
Irizarrek esplikatu zuenez, jasotako ideia guztiekin enpresak proposamenen txosten bat egingo du, uda ondoren egingo den presentziazko saio batean edo bitan landuko dena. Handik ateratzen diren ondorioak parkea berrurbanizatzeko proiektua lizitatzeko erabiliko ditu Hirigintzako departamentuak
Bukatzeko, alkateak prozesuan parte hartzera animatu zituen herritarrak, parkearen etorkizuna lasarteoriatarren nahien ahalik eta errepresentagarriena izan dadin.
Lasarte-Orian aparkatzea. Parte-hartzezko prozesu berri bat(Galdeketa itxita)
2018-04-27
Abian jarritako parte-hartzezko prozesu berria aurkeztu du alkateak. Horren bidez, Lasarte-Orian aparkatzeko arazoaren irtenbideak lasarteoriatarrekin kontrastatu nahi dira.
Jesus Zaballos Lasarte-Oriako alkateak, Lourdes Acevedo herritarren parte-hartzeko zinegotzia lagun zuela, gure herriko aparkamenduari buruz herritarrek parte hartzeko prozesu berria aurkeztu du, udalbatzarrak hartutako akordio bat betetzen duena.
Lasarte-Oriako Udala jakitun da gure herriak duen arazo handienetako bat aparkatzeko tokiarena dela. Arazo hori erremediatze aldera, zenbait jarduketa egiten ari gara, aparkatzeko plazen kopurua gehitzeko xedearekin, lur gainekoak bezala lurpekoak ere:
-
Arranbideko aparkalekuaren egokitzea.
-
Okendoko, Tajamar errotondako eta Michelingo lurpeko aparkalekuen plazak alokatzea.
-
Iñigo de Loiola eta Uistin kalean lur gaineko plazen kopurua gehitzea.
Orain artean egindako ahalegina handia izan bada ere, beharrezkoa zaigu neurri gehiago hartzen jarraitzea, betiere gure kale eta plazen irisgarritasuna eta kalitatea errespetatuz, herritar guztiek erabili eta gozatu ahal izateko, ez bakarrik aparkatu nahi dutenek.
Lasarte-Oriako aparkamenduari buruzko estudio tekniko bat egin da udalbatzarraren eskariz, eta han jadanik planteatzen dira zenbait proposamen. Hala ere, komenigarritzat jotzen da parte-hartzezko prozesu bat martxan jartzea.
Prozesu berri hau maiatzaren 2an abiatuko da, parte hartzeko 8.000 orri banatuz lasarteoriatarren etxeetako postontzietan. Orri horretan, herritarrek modu irekiagoan proposatu ahalko dituzte herrian, beren auzoan edo kalean aparkamenduaren arazoa hobetzeko moduari buruz dituzten ideiak eta proposamenak.
Parte hartzeko orriak udalak eraikin munizipaletan dauzkan postontzietan entregatu beharko dira, eta orriak aurkezteko epea maiatzaren 18an amaituko da.
Udalaren webgunearen bitartez ere egin ahalko dira proposamenak, kontsulten atalean. Handik, edo on-line erantzun ahalko da, edo parte hartzeko orria deskargatu ahalko da, bete eta gero postontzietan uzteko.
Jasotako proposamenak zerbitzu teknikoek analizatuko dituzte, haien bideragarritasuna aztertzeko eta, bideragarri izanez gero, haien kostua kalkulatzeko. Bideragarriak badira eta kosturik ez badute, Zerbitzu Publikoetatik hartuz joango dira. Kosturik badute, ondoren, eta ahal den neurrian, Udala proposamen horiek bere aurrekontuetan txertatuz joango da.
PARTE-HARTZEKO ORRIA DESKARGATZEA: ../ckfinder_files/files/Lasarte-Orian_aparkatzea.pdf
2018ko San Pedro jaietako kartela hautatzeko epea zabalik(Galdeketa itxita)
2018-04-12
2018. urteko San Pedro jaietarako Kartel Lehiaketara lanak aurkezteko epea jada amaitu da. Aurtengoan, guztira 54 lan aurkeztu dira lehiaketara eta Lasarte-Oriako udalak herritarren iritzia zein den jakin nahi du, herriko festetako kartela zein izango den hautatzeko.
Bozka emateko epea maiatzaren 20ra artean egongo da zabalik. Behin-betiko erabakia Gazteria eta Festak batzordeak hartuko badu ere, bozka guzti hauek kontutan hartuak izango dira. Animatu eta parte hartu!
Hemen kartelen galeria daukazu. Iritzia emateko, bidal iezaguzu e-mail bat sanpedrojaiak@lasarteoriasarean.eu helbideari.
ZARATA-MAPA: Lasarte-Oriako Soinu-Ingurunea Hobetzeko Ekintza Plana 2017-2021(Galdeketa itxita)
2018-03-06
Zarata-mapa onetsi ondoren, Udalak Lasarte-Oriako Soinu-Ingurunea Hobetzeko Ekintza-Planari buruzko zirriborro bat prestatu du, eta herritarren eskura jartzen du, jendeak bere proposamenak egin ahal ditzan. Proposamenak apirilaren 18ra arte aurkeztu ahalko dira.
Zarata-mapak Euskal Autonomia Erkidegoko hots-kutsadurari buruzko 213/2012 Dekretuari erantzuten dio, eta kaleko trafikoak, industriak eta trenbideak udalerrian eragindako maila akustikoak determinatu ditu. Behin hots-mailak zehaztutakoan, Lasarte-Orian kutsadura akustikoa gutxitzeko eta soinu-kalitatea hobetzeko bidea emango duen plan baten prestaketan aritu da Udala.
Horrela, ekintza-planaren zirriborroa den dokumentu bat prestatu du, udalerrian soinu-ingurunea hobetzeko eta herritarren bizi-kalitatea hobetzeko gara daitezkeen ekintzak jasotzen dituena. Jardun-ildo nagusiak hauexek dira:
-
Udaleko kudeaketa akustikoa.
-
Informazioaren hobekuntza.
-
Kutsadura akustikoaren prebentzioa.
-
Kutsadura akustikoa gutxitzea.
-
Informazioa zabaltzea, jendea heztea eta sentsibilizatzea.
Soinu-ingurunea hobetzeko ekintza-planak duen ingurumen-izaera dela eta, Udal honek komenigarritzat jotzen du, plana onetsi aurretik, herritarrei gai honi buruz galdetzeko kontsulta bat garatzea, eta horrexegatik, komunikatu honen bidez, hala iruditzen zaien pertsonei beren iritziak edo ekarpenak Udal honi aurkezteko gonbita egiten zaie. Hiru eratara egin ahalko dituzte:
-
Idatziz, Udaleko Erregistroan idatzi bat aurkeztuz.
-
Bide telematikoz, e-mail bat helbide honetara bidaliz: iradokizunak@lasarte-oria.eus
-
Webgunean: http://albisteak.lasarte-oria.eus/euskara/galdeketak
Soinu-Ingurunea Hobetzeko Ekintza Planaren zirriborroa ikusi
San Pedro jaietako omendua hautatzeko parte-hartzezko prozesua(Galdeketa itxita)
2018-02-26
Udalak parte-hartzezko prozesu bat zabaldu du, lasarteoriatarrek aukera izan dezaten beren ustez gure herriaren alde lan egin duen pertsona edo kolektiboa proposatzeko. Pertsona bakoitzak proposamen bat egin ahalko du, eta arrazoitu egin beharko du zergatik uste duen proposamen hori aintzat hartu beharrekoa dela.
Festen Departamentuak bere proposamena egitera gonbidatzen ditu herritarrak. Horretarako, bihar, etxez etxe, postontzietan txartel bat banatzen hasi da herritarrek beren proposamenak Udalari helarazi ahal izateko
Iritzia emateko, apirilaren 20a baino lehenago helarazi behar diguzu zure proposamena, udaletxeko bulegoetan dauden postontzietara.
2018an ere… Jaietan Blai!(Galdeketa itxita)
2018-02-26
San Pedro jaietarako proposamen zehatzik baduzu? Aurtengoan ekainaren 28tik uztailaren 1era ospatuko ditugu jaiak herrian.
Zein ekintza berri antolatuko zenuke?
Zein musika talde ikusi nahiko zenuke herrian?
Zure elkarte edo lagun koadrillarekin zerbait antolatzeko prest?
Animatu eta parte hartu!
Bete eskuorria eta utzi edozein udal eraikinetako parte hartze postontzietan! Edo bestela, proposamenak Lasarte-Oriako Udalaren web orrian ere egin ditzakezu!
Proposamenak martxoaren 20ra bitartean jasoko ditugu!
2019ko Inauterien gaia aukeratu(Galdeketa itxita)
2018-02-23
Hasi da datorren urteko Inauterietako gaiari buruz proposamenak egiteko epea, “Zertaz mozorrotu nahi zenuke herria 2019. Urteko Inauterietan?” lemapean.
Festen Departamentuak 2019ko Inauterietarako gaia orain proposatzera gonbidatzen ditu herritarrak. Horretarako, etxez etxe postontzietan txartel bat banatzen hasi da, haren bidez herritarrek beren proposamenak Udalari helarazi ahal izateko.
Hainbeste denbora lehenago egitearekin lortu nahi dena da konpartsek eta herritarrek beta nahikoa izan dezatela datozen inauteritarako mozorroak eta karrozak prestatu ahal izateko.
Iritzia emateko, apirilaren 13a baino lehenago helarazi behar diguzu gaiari buruz duzun proposamena, udaletxeko bulegoetan dauden postontzietara. Proposamen guztien artean egingo da hautaketa. Eragin irudimenari eta parte hartu!
San Pedro jaietako omendua hautatzeko parte-hartzezko prozesua(Galdeketa itxita)
2017-04-07
Udalak parte-hartzezko prozesu bat zabaldu du, lasarteoriatarrek aukera izan dezaten beren ustez gure herriaren alde lan egin duen pertsona edo kolektiboa proposatzeko. Pertsona bakoitzak proposamen bat egin ahalko du, eta arrazoitu egin beharko du zergatik uste duen proposamen hori aintzat hartu beharrekoa dela.
2017an ere… Jaietan Blai!(Galdeketa itxita)
2017-03-17
San Pedro jaietarako proposamen zehatzik baduzu? Aurtengoan ekainaren 28tik uztailaren 1era ospatuko ditugu jaiak herrian.
- Zein ekintza berri antolatuko zenuke?
- Zein musika talde ikusi nahiko zenuke herrian?
- Zure elkarte edo lagun koadrillarekin zerbait antolatzeko prest?
Animatu eta parte hartu!
Bete eskuorria eta utzi edozein udal eraikinetako parte hartze postontzietan! Edo bestela, proposamenak Lasarte-Oriako Udalaren web orrian ere egin ditzakezu!
Proposamenak martxoaren 31ra bitartean jasoko ditugu!
Zertaz? 2018ko Inauterien gaia aukeratu!(Galdeketa itxita)
2017-03-03
Hasi da datorren urteko Inauterietako gaiari buruz proposamenak egiteko epea, “Zertaz” lemapean.
Festen Departamentuak 2018ko Inauterietarako gaia orain proposatzera gonbidatzen ditu herritarrak. Horretarako, bihar etxez etxe postontzietan txartel bat banatzen hasiko da, haren bidez herritarrek beren proposamenak Udalari helarazi ahal izateko.
Hainbeste denbora lehenago egitearekin lortu nahi dena da konpartsek eta herritarrek beta nahikoa izan dezatela datozen inauteritarako mozorroak eta karrozak prestatu ahal izateko.
Iritzia emateko, martxoaren 17a baino lehenago helarazi behar diguzu gaiari buruz duzun proposamena, udaletxeko bulegoetan dauden postontzietara. Proposamen guztien artean egingo da hautaketa. Eragin irudimenari eta parte hartu!