Lasarte-Oriak Sagardopote Eguna ospatuko du apirilaren 6an
2017-03-30 | iruzkinak: 0 | Lasarte-Oriako udala
Aterpeako ordezkariek eta Lasarte-Oriako alkateak Sagardopote Eguna aurkeztu dute, Lasarte-Orian apirilaren 6an ospatuko dena.
Aurkezpenean Jesus Zaballos alkatea, Nuria Fernández zinegotzia, Ramon Ormazabal Aterpeakoa eta establezimendu parte-hartzaileen ordezkariak egon dira, eta lasarteoriatarrak etortzera animatu dituzte, gure lurreko sagardoa dastatzeko.
Euskararen 9. Maratoiaren dokumentalaren proiekzioa, bizitutakoaz berriz gozatzeko
2017-03-30 | iruzkinak: 0 | Lasarte-Oriako udala | Euskara eta Hezkuntza
Bihar ostirala, 19:00etan, Manuel Lekuona kulturetxean ikusiko da, zortzikotearen laguntzaz. Bertaratuek DVDa dohain jasotzeko aukera izango dute
Euskararen 9. Maratoia urriaren 22an eta 23an ospatu, bizi, gozatu genuen. Pasa dira, beraz, 5 hilabete, baina oraindik ordukoaren oihartzunak herritar askoren burutan entzuten direla uste dugu eta osatutako dokumentalak une gogoangarri haiek berriz gozatzeko aukera emango digutela pentsatzen dugu. Hitz horiekin adierazi dute Jon Antxordoki Udaleko Euskara Batzordeko lehendakariak eta Tomas Arrizabalaga Ttakuneko lehendakariak herritarrak dokumentala ikustera etortzeko egindako deian. Nahi duen guztia proiekzioa ikustera gonbidatu dute. Sarrera doan da.
Udalbatzarrak datorren ostiralean Ez Ohiko bilkura ospatuko du
2017-03-29 | iruzkinak: 0 | Lasarte-Oriako udala
Udalbatzarrak, datorren ostiralean, martxoak 31, goizeko 13:30tan, ez ohiko bilkura ospatuko du. Bertan ondoren zehazten diren gaiak eztabaidatuko dira:
Igande honetan mendi-bizikletako lasterketa egingo da Lasarte-Oriatik abiatuta
2017-03-28 | iruzkinak: 0 | Lasarte-Oriako udala
Lasarte-Oriako alkateak, patrozinatzaileak eta antolatzaileak lagun zituela, igandean egingo den mendi-bizikletako lasterketa aurkeztu du. Lasarte-Oriatik abiatuta, 38 km-ko ibilbidea egingo du. Dagoeneko 300 baino gehiago dira izena emandakoak.
Saiatuz Txirindularitza K.T.k eta Fly Group 99k BMW Lurautoren patrozinioarekin antolatutako lasterketa honek bere 7. edizioa egingo du, eta Lasarte-Oriako Udalaren babesa du, zeinek jarriko baitu azpiegituraren parte bat.
Elkarteen urtekariaren aurkezpena, apirileko berritasun nagusia
2017-03-28 | iruzkinak: 0 | Lasarte-Oriako udala
Maite Iglesias kulturako zinegotziak eta Xabier Goitia kulturako arduradunak apirileko agenda kulturala aurkeztu dute. Haren alderdi nabarmenetako bat herriko elkarteen urtekari berriaren aurkezpena da.
Urtekaria, udalak bultzatua eta finantzatua eta Lasarte-Oria aldizkariko arduradunek landua, hilabete honetan aurkezten den nobedade bat da. Urtekariak Lasarte-Oriako elkarte mordo batek iaz izandako jarduera jasotzen du. Haren aurkezpena apirilaren 5ean izango da, Kulturetxean.
MEMORIA PLAZA EKIMENA LASARTE-ORIAra HELDU DA
2017-03-27 | iruzkinak: 0 | Lasarte-Oriako udala
Erakusketa ikusgai egongo da Okendo Plazan apirilaren 3tik 9ra. Lasarte-Oriako alkate Jesús Mª Zaballosek eta Aintzane Ezenarrok Gogora Institutuaren zuzendariak, Memoriaren Plaza Lasarte-Orian izango duen programazioa aurkeztu dute.
Herritarrek parte hartzeko iaz martxan jarritako proiektu bat da; helburua da Euskadin azken urteotan gertatutakoei buruzko lekukotzak biltzea eta azaltzea, memoria plural eta partekatu bat eraikitzeko asmoz. Erakusketa Okendo Plazan egongo da apirilaren 3tik 9ra.
Martxan da Guztion Lasarte-Oria! Muralen lehiaketa
2017-03-24 | iruzkinak: 0 | Lasarte-Oriako udala
Aurkez daitezke Guztion Lasarte-Oria 2017 muraletarako proposamenak. Apirilaren 10ean bukatuko da epea. Aurtengo gaia “gizonen eta emakumeen arteko berdintasuna” da, eta helburua, berriz, gure herriko bost puntu beltz ezabatzea.
Herriko bost puntu beltz hobetu nahian, espazio hauek pertsonen joan-etorrirako atseginago eta seguruago eginez, abian jarri da Guztion Lasarte-Oria 2017. Aurkezten diren proposamenak espazio hauetara egokitu behar dira, eta artista bakoitzak mural batean edo gehiagotan parte hartu ahal izango du. 4.750 euro bideratuko dira programa honetara.
Hipoteka ordaintzeko arazoa dutenei zuzendutako hitzaldia
2017-03-24 | iruzkinak: 0 | Lasarte-Oriako udala
Stop Desahucios Lasarte-Oriako udalarekin batera bere etxearen hipoteka ordaindu ezin duen jendeari zuzendutako hitzaldia emango du, etxe-gabetzea ekiditeko.
Martxoaren 28an, 19:00etan, Villa Mirentxuko ekitaldi-aretoan Stop Desahucios-ek bere etxearen hipoteka ordaindu ezin duen jendeari zuzendutako hitzaldia eskainiko du.
Udalak, gaian interesa duten herritarrak parte hartzera animatu nahi ditu, titularra zein abal-emailea izan. Hitzaldian banketxearekin 5 urteko gabe-aldia negoziatzeko aukerak azalduko dira, kuota txikia ordainduz hilero.
Aukera paregabea izango da herritarrei ardura sortzen dien hainbat galdera argitzeko: gehiegizko klausulak, gabe-aldiak, enkanteak …
Udaletik animatzea nahi dira "Belarriprest establezimenduetan" euskaraz egitea
2017-03-23 | iruzkinak: 0 | Lasarte-Oriako udala
Udaletik herritarrak animatzea nahi dira "Belarriprest establezimenduetan" euskaraz egitera erosketak. Merkatariek herritarroi "Tratu on bat" emateko bidean urrats bat gehiago dugu.
Maratoian Belarriprest ikurra zuen karteltxo bat banatu zen hainbat dendatan.
Buenos Aires Aldapan behe-tentsioko aireko linea aldatzea
2017-03-23 | iruzkinak: 0 | Lasarte-Oriako udala
Iberdrola Distribución Eléctrica kontratatu du Udalak Buenos Aires Aldapan behe-tentsioko aireko linea lurperatzeko lanak egiteko, 17.049 euroan.
Buenos Aires Aldapan espaloiak zabaltzeko egin berri diren urbanizazio lanek beharrezko egin dute eremu horretako behe-tentsioko gaur egungo linea aldatzea.
Urbanizazio proiektu horretan ez zegoen aurreikusia lan hori. Hori dela eta, beharrezkoa izan da linea horren lurperatzea kontratatzea, eta Iberdrola Distribución Eléctricari enkargatu zaizkio lanak, 17.049 euroan.