Ongi etorri, Mrabih, Abdalahi, Nawja eta bi Teslemei
2013-07-12 | iruzkinak: 0 | Lasarte-Oriako udala | Gizarte Zerbitzuak
Ostiral eguerdian, Udalak Porrotx pailazoaz eta txokoetako umeez lagundurik saharatik etorritako bost umeei ongietorri beroa egin zieten Gaztelekuan. Urtero bezala Oporrak bakean programarekin gure herriko bost familietara etorri diren bi mutiko eta hiru neskek 2 hilabete pasako dituzte gurekin.
Udalak eta euskalgintzako gizarte eragileak elkarlanean
2013-07-11 | iruzkinak: 0 | Lasarte-Oriako udala | Euskara eta Hezkuntza
Asteazkenean, uztailak 10, Pablo Barrio alkateak, Euskarako Batzordeko lehendakaria den Boris Nogalesek lagunduta, 2013-14 ikasturterako hitzarmenak sinatuta utzi ditu. Horrela, ikasturtea hasi aurretik, euskalgintzako eragile bakoitzak ere zehaztuta dauka zein programa dituen hitzartuta eta zein diru-laguntza izango duen programa horiek egiteko.
2013ko 1. LAUHILABETEko URA-ESTOLDERIAren TASAren ORDAINKETA
2013-07-10 | iruzkinak: 0 | Lasarte-Oriako udala | Ogasuna
Zergadun guztiei jakinarazten zaie 2013. urteko LEHENENGO LAUHILABETEKO URA ETA ESTOLDEARI dagokion Tasa ordaintzeko borondatezko epea 2013ko uztailaren 15ean amaitzen dela.
Udalbatzarrean hartutako erabakiak
2013-07-10 | iruzkinak: 0 | Lasarte-Oriako udala | Udala
Atzo, 2013ko uztailaren 9an, buruturiko udalbatzarrak 4 puntu bozkatu zituen eta jarraian bertan harturiko erabakien berri ematen dizuegu. Bertan bozketa guztien datuak ikusgai dituzue.
2012 kontuen kitapenean superabita
2013-07-09 | iruzkinak: 0 | Lasarte-Oriako udala | Ogasuna
22,5 milioi euro jaso zituen Lasarte-Oriako Udalak aurreko urtean eta 22,02 gastatu, beraz era positiboan kitatu zuen aurrekontua. Karga finantzieroak kenduz eta egin beharreko doitzeak egin ondoren, 1,5 milioiko superabita izan dugu. Esan beharra dago, 2011ko ekitaldia 2.301.416 eurotako defizitarekin itxi zela.
Bihar eta etzi hirigintza parte-hartzailearen bi saio Tximistarretan
2013-07-08 | iruzkinak: 0 | Lasarte-Oriako udala | Hirigintza eta zerbitzu orokorrak
Herriaren erdian kokaturiko gunea dugu Tximistarreta, azkene finean lehenago edo beranduago guztiok erabiliko duguna, eta beraz, Udalaren ikuspuntutik herritarren parte-hartzea eta laguntza beharrezkotzat jotzen da gune honi buruzko iritziak, ideiak eta proposamenak jaso eta herritarren beharretara egokitutako zonaldea eraikitzeko.
Hurrengo asteartean burutuko da uztaileko Udalbatzarra
2013-07-05 | iruzkinak: 0 | Lasarte-Oriako udala | Udala
Udalbatzarrak hurrengo ASTEARTEAN, UZTAILAK 9, 18:30etan, OHIKO bilkura egingo du jendaurreko ekitaldian. Bertan hurrengo gaiak landuko dira:
GAZTELEKUAN ORDUTEGI ALDAKETA
2013-07-05 | iruzkinak: 0 | Lasarte-Oriako udala | Gazteria
Gazteria, Festak eta Kirolak departamentuak Gaztelekuko ordutegian udan izango dituen aldaketen berri eman du eta ikasturtean zehar arratsaldez martxan izan den nerabeentzako begirale zerbitzua udaran goizez zabalduko dela esan du.
Udaletxe zaharra eta berria lotzeko lanak hasi dira
2013-07-04 | iruzkinak: 0 | Lasarte-Oriako udala | Hirigintza eta zerbitzu orokorrak
Gaur goizean, Udaletxe zaharreko 1.solairuan kokatua dagoen alkatearen bulegoko horma botatzeari ekin diote langileek eta denbora laburrean bi eraikinen arteko lotura egina egongo da. Duela gutxi,Udaletxe berria hornitzeko altzariak ekartzen hasi ziren, pixkanaka erakin berria barrutik betetzen ari da eta bi eraikinen arteko lotura orain egitearen arrazoia, udan batetik bestera egin beharreko lekualdatzean datza.
Udala eta Zentro Zibikoko emakumeen arteko bilera
2013-07-03 | iruzkinak: 0 | Lasarte-Oriako udala | Gizarte Zerbitzuak
Atzo arratsaldean, Udaletxeko arduradun politiko eta teknikoak emakumeen zentro zibikoan ibili ohi diren 60 emakume ingururekin bildu ziren zerbitzuaren inguruan sortu diren dudak argitzeko asmotan. Bertan izan ziren, alde batetik Gorka Lizarraga, arduradun politikoa eta bestetik Maite Higuero arduradun teknikoa eta egungo egoeraren nahiz etorkizuneko plantamendu berria azaldu zuten eta bertaratu ziren emakumeen galderak erantzun zituzten.