Udalak hiru urterako hitzarmena sinatu du Aterpearekin
2017-07-11 | iruzkinak: 0 | Lasarte-Oriako udala
Gaur goizean, Aterpea merkatari-elkartearen eta Lasarte-Oriako Udalaren arteko hitzarmen bat sinatu da, gure herrian merkataritza aktibatzea eta indartzea bilatzen duena. Aurtengo berritasuna da hitzarmena hiru urterakoa dela.
Jesus Zaballosek (Udalaren izenean) eta Ramon Ormazabalek (Aterpea ordezkatuz) sinatu zuten hitzarmena, Udalak eta Aterpeak 2017-2019 epean aurrera eramango dituzten jarduketetarako marko gisa balioko duena.
Kalbario Bidean hondoratutako espaloiaren konponketa
2017-07-07 | iruzkinak: 0 | Lasarte-Oriako udala
Udalak Construcciones Mariezkurrena enpresari adjudikatu dio Kalbario Bidean hondoratutako espaloi-tartearen konponketa, 32.345 euroan. Obrak jada hasi dira.
Udalbatzarrak datorren asteartean, uztailak 11 ohiko bilkura ospatuko du
2017-07-07 | iruzkinak: 0 | Lasarte-Oriako udala
Udalbatzarrak, datorren asteartean, uztailak 11, arratsaldeko 18:30tan, ohiko bilkura ospatuko du. Bertan ondoren zehazten diren gaiak eztabaidatuko dira:
Saharako eta Txernobylgo haurrei harrera
2017-07-06 | iruzkinak: 0 | Lasarte-Oriako udala
Atzo, uda honetan gure udalerrira etorri diren lau haur saharauiek eta bi ukrainarrek harrera beroa jaso zuten udaleko txokoetako haurren aldetik eta Udalaren aldetik.
Jesus Zaballos alkateak ireki zuen Dimas, Valentin, Mahmud, Mohamed-Lamn, Sidahmed eta Wahba haurrei harrera egiteko ekitaldia. Udako Txokoetako haur eta begiraleek eskainitako agurraren ondoren, alkateak azpimarratu zuen solidarioak izan beharra dagoela eta udaleko hilabeteotan harrera on bat egin behar zaiela haur horiei, hainbat arrazoirengatik behar dituzten "oporrak" egitera irten baitira beren lurretatik.
Uztaileko kultura-programazioa
2017-07-05 | iruzkinak: 0 | Lasarte-Oriako udala
Uztaileko kultura-programazioa kalera tokialdatuko da. Aire libreko zinema, kale-teatroa, musika bariatua eta auzoetako festak dira jarduera nagusiak. Santa Ana egunaren jiran, Lasarte-Orian tradiziozkoak diren artisau-azoka eta parodia izango ditugu.
Atzo Kultur Kale Zikloaren programazioa aurkeztu bagenuen, gaur Udalak Kultura departamentutik antolatu dituen edo babesten dituen hainbat jarduera gehitu behar ditugu.
Kirol-arloko dirulaguntzen deialdia
2017-07-04 | iruzkinak: 0 | Lasarte-Oriako udala
Ekainaren 22an argitaratu da Gipuzkoako Aldizkari Ofizialean 2017ko Lasarte-Oriako kirol arloko diru-laguntzen deialdia.
Diru-laguntzen lerroak eta banatuko diren zenbatekoak ondoko hauek dira: Laguntza arruntak 62.000,00 euro, laguntza puntualak 12.000,00 euro, emakumeen kirol federatuaren sustapena 8.000,00 euro eta Jon Tecedor diru-laguntza 1.800,00 euro.
Diru-laguntzen banaketa arautuko duten oinarri espezifikoak 2016an onartutakoak dira (GAO, 2016ko azaroaren 10a).
Interesa duten elkarteek 30 lan-eguneko epea (abuztuaren 8a arte) dute laguntza eskaera aurkezteko.
GAOn argitalpena: https://ssl4.gipuzkoa.net/castell/bog/2017/06/22/c1704400.pdf
Udaleko web orria: http://administrazioa.lasarte-oria.eus/eu/html/24/2941.shtml
6 kontzertuk osatuko dute Kultur Kale Zikloa 2017
2017-07-03 | iruzkinak: 0 | Lasarte-Oriako udala
Larunbata honetan abiatuko da Kultur Kale Zikloa, eta aurten 6 kontzertu eskainiko dizkigu Lasarte-Oriako geografia osoan zehar. Gure plazenetan oso musika bariatuaz gozatzeko 6 aukera.
Jesus Zaballos alkateak, Txus Alonso jaietako zinegotziak eta Xpressioneko Jokin Telleriak aurkeztu dituzte aurtengo Kultur Kale Zikloko kontzertuak. Kontzertuak larunbatez izango dira, 20:00etan, Lasarte-Oriako 6 auzotan.
Kontainer marroirako poltsen banaketa
2017-07-03 | iruzkinak: 0 | Lasarte-Oriako udala
Kontainer marroirako poltsa biodegradakorrak saltzeko makinaren entregatzea atzeratzen ari dela eta, hura martxan jarri bitartean, hondakin organikoetarako poltsen banaketa egingo du Udalak asteazkenetan kaleko merkatuan, etxeko hondakin arriskutsuak jasotzen dituen furgonetan.
Inskribatutako etxebizitza bakoitzeko 50 poltsa (2 pakete) banatuko dira. Poltsako jasotzeko, txartela eraman beharko da, eta hurrengo datu hauek eman: txartelaren zk., DNIaren zk., izen-abizenak eta bizilekua.
Ordutegia 9:00etatik 13:00etara izango da.
Abisu berria
2017-06-28 | iruzkinak: 0 | Lasarte-Oriako udala
Ekainaren 29rako eta 30erako eguraldi txarra aurreikusita dagoela eta, bertan behera geratuko da hilaren 30ean Andatza plazan egitekoa zen “Freestyle” ekitaldia.
Ostadar-bandera udaletxean jarrita egongo da LGTBI harrotasunaren egunean
2017-06-28 | iruzkinak: 0 | Lasarte-Oriako udala
Udalak aho batez onetsi du deklarazio bat, LGTBI harrotasunaren eguna dela eta. Ekainaren 28 honetan, ostadar-bandera udaletxeko balkoian jarrita egongo da. Horrez gain, udako txokoetako haurrek uztailaren 10ean banku bat pintatuko dute ostadar-banderaren koloreekin.