Nola aldatu diren herriko gazteak, kamarada!
2013-12-03 | iruzkinak: 0 | Lasarte-Oriako udala | Euskara eta Hezkuntza
"Euskara eta gazteak Lasarte-Orian III. 20 urteko bilakaera" liburuaren aurkezpena izango da gaur arratsaldean
Euskararen egunaren aitzakiatan, gaur, abenduaren 3an, 19:00etan, Manuel Lekuona kulturetxean, "Euskara eta gazteak Lasarte-Orian III. 20 urteko bilakaera" liburua aurkeztuko du ikerketaren eta liburuaren egileak berak: Pello Jauregi Etxanizek.
20 urte pasa dira lehendabiziko ikerketa egin zenetik eta esanguratsua da oso egoera nola irauli den. Aitzitik, atzera ordez, 20 urte aurrera begira jarriz gero, Honako galdera deseroso hau luzatuko digu egileak: "nondik etorriko da, orduan, kaleko euskararen erabileraren handitzea eta nagusitzea, baldin eta orain, haur eta gazte gehienak D ereduan eskolatzen diren garai honetan, erabileraren indizea egoera normalizatutik oraino oso urruti badago?"
Egilea bera saiatuko da galdera honi balizko erantzun batzuk ematen hausnarketa gisa.
Herritar guztiak daude hitzaldira gonbidatuta.
Apelliduak abizen bihurtzea oso erraza da orain
2013-11-19 | iruzkinak: 0 | Lasarte-Oriako udala | Euskara eta Hezkuntza
Jatorriz euskarazkoak diren abizen asko gaztelaniazko grafiarekin idazten dira oraindik. Euskaraz jarri nahi dituztenek nola egin dezaketen ezagutarazteko ekimena jarri dute martxan aurten ere Buruntzaldeko Udalek. Azpilicueta, Zalacain, Eizaguirre, Aguirreche, Echeverría, Jauregui, Arregui, Lecuona, Erquicia, Aguirre,... eta horiek bezalako ehunka deitura euskaldun euskarazko grafiaz idatzita nahi dituenak oso erraz egin dezake orain. Bi tokitara bakarrik joan beharko du: Udaletxera eta Bake Epaitegira.
Okendo plazan eta Askatasuna parkean hondakinak bereizteko zaborrontziak jarri dira
2013-06-13 | iruzkinak: 0 | Lasarte-Oriako udala | Osasuna eta Ingurumena | Hirigintza eta zerbitzu orokorrak
Erdiguneko gune hauetan, bere erabilera dela eta, zikinkeria asko sortzen da, batez ere aste bukaeretan. Orain artean, baziren zaborrontziak parkean zehar sakabanaturik baina ez dute behar bezalako erabilerarik izan. Beraz, eta Udalak birziklatzearen aldeko apustu bat eginez, espazio hauek koloretako zaborrontziez hornitzea erabaki du.
Tximistarreta parkea parte-hartze bidez
2013-05-24 | iruzkinak: 1 | Lasarte-Oriako udala | Hirigintza eta zerbitzu orokorrak
Lasarte-Orian urbanistikoki aldaketa ezberdinak eman dira urteen poderioz. Eraiki diren etxebizitzekin batera plaza eta kale ezberdinak sortu dira. Espazio guzti hauen definizioa, historikoki gutxi batzuen esku egon da eta ia beti maila teknikoan bakarrik landu dira. Baina garaiak aldatzen ari dira eta herritarren parte hartzeak gero eta garrantzia gehiago du herriko erabakietan. Beraz, guztiz logikoa da, hirigintza bezalako esparru batean ere demokratizazio prozesu bat gauzatzea eta teknikariak herritarrengana gehiago hurbiltzea.
Logotipo lehiaketako lanak jasotzeko aukera
2013-04-12 | iruzkinak: 0 | Lasarte-Oriako udala | Udala
Hurrengo astelehenetik aurrera irudi korporatiboaren lehiaketan parte hartu zutenek beraien lanak jasotzeko aukera izango dute. Epea bi astekoa izango da eta kultur etxeko harreran eskatu beharko dira lanak.
Gainera, Udalak eskerrak eman nahi dizkie lehiaketan parte hartu zuten guztiei, irabazlea bakarra izan arren irudi oso interesgarriak aurkeztu baitira eta hauek gabe ez zen berdina izango aukeraketa.
Mitxelin II: fundazioak bertan behera utzi du proiektua
2013-04-12 | iruzkinak: 0 | Lasarte-Oriako udala | Hirigintza eta zerbitzu orokorrak
Aste honetan, Udala berriz ere, Michelin IIko eremuaren inguruko hausnarketaren, herri galdeketaren eta Michelin garapen fundazioarekin izandako hartu emanen azalpenak emateko herritarrekin bildu da. Orain dela hilabete egin zuen moduan, gai honen inguruan dagoen informazio guztia elkarbanatu du zuzenean; bai alderdi polítiko, herriko merkatari eta herritarrekin, alkateak eginiko bileretan.
Gaur San Pedro jaietarako ideiak biltzeko azken bilera
2013-04-11 | iruzkinak: 0 | Lasarte-Oriako udala | Kultura eta Jaiak
Atzo arratsaldean, kultur etxean 20 lagun bildu ziren aurtengo San Pedro festetako egitarau musikalerako ideiak proposatzeko. Astelehenean haurrentzako programaziorako proposamenak jaso ziren eta gaur arratsaldeko 18:30etan Kultur etxean, jaietan zehar ospatuko diren ekitaldi kulturalak izango dira mintza gai. Ondoren, bilera hauetan jasotako uztarekin Udalak bere lanari ekingo dio ekainerako egitarau osatzeko.
Ezin izan baduzu bileretara, apirilak 19ra arte oraindik aukera duzu.
Klikatu hemen zure ideia proposatzeko.
.
Michelin II: azkeneko berriak azaltzeko bilera herritarrekin
2013-04-05 | iruzkinak: 0 | Lasarte-Oriako udala | Hirigintza eta zerbitzu orokorrak
Orain arte eginiko bidea eta gaur egun dauzkagun emaitzak azaltzeko, Udalak aurretik egin zuen moduan, berriro bilduko da herriko sektore ezberdinekin. Eta hauen artean, herritarrekin bilera bat egin nahi du beste behin, guztia azaldu eta izan daitezkeen galderak erantzuteko. Bilera hau hurrengo ostegunean, apirilak 11, arratsaldeko 19etan Kultur Etxeko hitzaldi aretoan egingo da.
2013ko San Pedro jaietarako ideia bilketa
2013-04-02 | iruzkinak: 0 | Lasarte-Oriako udala | Kultura eta Jaiak
San Pedro jaien antolaketak eta Lasarte-Oriako udalak honen inguruan antolatutako parte hartze prozesuak aurrera dirau! Martxoaren amaieran herriko elkarteekin bildu ginen eta programaren inguruan jardun ginen. Egitarauaren hezurdura nagusia, beraz, osatuta dago, baina orain eskema horretan izen zehatzak gehitzea da falta dena.
Irudi korporatiboaren lehiaketa IKIMILIKI logotipoak irabazi du
2013-03-20 | iruzkinak: 0 | Lasarte-Oriako udala | Udala
Lasarte-Oriako Udaleko irudi korporatiboaren lehiaketaren irabazlea onartu da Udalbatzarrean. Lehiaketa orain dela hilabete bukatu bazen ere, erabakia hartuta egon arren, Udalbatzarrak gaur berretsi du IKIMILIKI irabazle moduan.