Udalbatzarrak datorren asteartean ekainak 14 ohiko bilkura ospatuko du
2016-06-10 | iruzkinak: 0 | Lasarte-Oriako udala
Udalbatzarrak, datorren asteartean, ekainak 14, arratsaldeko 18:30tan, ohiko bilkura ospatuko du. Bertan ondoren zehazten diren gaiak eztabaidatuko dira:
2016ko San Pedroko Jaietako programa aurkeztu da
2016-06-09 | iruzkinak: 0 | Lasarte-Oriako udala
Udaleko eta gizarteko zenbait ordezkarik atzo aurkeztu zuten aurtengo jaien programa. Berritasunen artean, festetako zinegotziak festa-gune berriak nabarmendu zituen, eta egun bat gehiago iraungo dutela. Entitate parte-hartzaileei beren kolaborazioa eskertu zien.
XXXV. SANTA ANA PALA TXAPELKETA
2016-06-08 | iruzkinak: 0 | Lasarte-Oriako udala
Lasarte-Oriako Kirolen Udal Zerbitzuak hogeita hamabosgarren Santa Ana pala txapelketa antolatuko du aurten. Txapelketa 2016ko ekainaren 20an hasiko da eta uztailaren bukaera arte garatuko da. Txapelketan 16 urte beteak izanik, Lasarte-Orian bizi diren emakumeek eta gizonezkoek parte hartu ahal izango dute.
Izena ematea (bikotea osatzen dutenen eta ordezko jokalariaren izena, bi abizen eta telefono zenbakia) udal kiroldegian egin behar da ekainaren 15a arte. Inskripzioa doan da.
Ingurumenaren Munduko Eguna ospatuko da
2016-06-07 | iruzkinak: 0 | Lasarte-Oriako udala
“Basabizitzaren etorkizuna gure esku dago” lemapean, Lasarte-Oriak Ingurumenaren Munduko Eguna ospatuko du datorren astean, espezie inbaditzaileek gure herriari dakarkioten mehatxuaz kontzientziatzeko.
Euskaltegiko udako ikastaroak: Matrikula zabalik
2016-06-03 | iruzkinak: 0 | Lasarte-Oriako udala
Habe 3 edo EGAko bigarren deialdiko azterketa prestatzeko ikastaroa
- Astelehenetik ostiralera
- 4 orduko ikastaraoa: 9:00 – 13:00
- Prezioa: 130,50 €
- Diru-laguntzak badaude (baldintza batzuk beteta). Galdetu Udal Euskaltegian
Ikastaroaren iraupena: Uztailaren 1etik 29ra
Matrikulaldia: ekainaren 1etik 20ra
Bulego ordutegia: 9:30 – 19:00
Tfnoa: 943-361621 euskaltegia@lasarte-oria.eus
Kultura Auzoetara programa
2016-06-02 | iruzkinak: 0 | Lasarte-Oriako udala
“Kultura Auzoetara” programa datorren astean iritsiko da Oria auzora. Ipuin-kontari bat eta kontzertu bat izango dira datorren asteartean, ekainak 7, auzo horretan gozatu ahalko direnak.
XXVIII. SQUASH TXAPELKETA
2016-06-02 | iruzkinak: 0 | Lasarte-Oriako udala
Larunbatean, ekainak 4, udal kiroldegian XXVIII. Squash txapelketaren finalak jokatuko dira. Jardunaldia arratsaldeko 15:00etan hasiko da, Raúl Mateosek eta Aitor Tejerok jokatuko duten kontsolazioko finalarekin; jarraian txapelketaren hirugarren eta laugarren postua erabakitzeko partida jokatuko dute Xabier Azaldegik eta Kinin Calvok; txapelketaren finala Iñaki Garcíak eta Iker Cañedok jokatuko dute.
Partidak bukatu ondoren finalisten arteko sari banaketa egingo da.
Nerabeen eta Familien Laguntzarako Programaren hitzaldia
2016-06-02 | iruzkinak: 0 | Lasarte-Oriako udala
Ekainaren 8an, 18:00etan, Norbera elkarteak “Nerabeak dituzten familiek: tratu oneko erlazioaren ezaugarriak” hitzaldia emango du Kulturetxean.
“Ondo Ibili – Ibiltzea Osasuna da” programaren ebaluazioa.
2016-06-02 | iruzkinak: 0 | Lasarte-Oriako udala
Ekainaren 9an 10:00etan “Ondo Ibili-Ibiltzea Osasuna da” programa balioesteko bilera egingo da Jubilatuen Elkartean; programa hau pertsona zaharrei zuzenduta dago eta uda heltzearekin bukatzen da.
Eskolako materiala erosteko laguntzak
2016-06-01 | iruzkinak: 0 | Lasarte-Oriako udala
Udalak eskolako materiala Lasarte-Oriako dendetan erosteko laguntzen programa bat jarri du martxan 2016-2017 ikasturterako, lehen eta bigarren hezkuntzako ikasleei zuzendua. Laguntzak 75, 50 edo 25 eurokoak izan ahalko dira. Alkateak gogorarazi du funtsezkoa dela egindako erosketaren froga-agiria gordetzea.