Albisteak
Zumba saioak kiroldegian
2013-09-13 | iruzkinak: 0 | Lasarte-Oriako udala | Kirola
Lasarte-Oriako Kirolen Udal Zerbitzuak jarduera berriak erantsi nahi dizkio 2013/14ko kirol eskaintzari. Berrikuntzen artean zenbait bazkidek egindako eskaerari erantzunez ZUMBA izeneko jarduera eskainiko du denboraldi berrian.
Zumba jarduera fisiko aerobikoa da, dibertigarria eta erritmoz betea. Ariketa aerobikoak ditu oinarri eta helburuen artean gure gorputza indartzea, garatzea eta malgutzea ditu. Oso jarduera musikala da erritmo latinamerikarretan (salsa, merenge, sanba…) oinarritua.
Modalitate berri hau ezagutzera emateko Kirolen Zerbitzuak praktika honetan interesa izan dezaketen pertsonentzat zunba klaseak antolatu ditu irailaren 17, 19, 24 eta 26an, arratsaldeko 17:15etan. Pertsona abonatuentzat klase hauek doan izango dira.
