Albisteak
San Pedro jaiak antolatzeko bilera
2013-03-19 | iruzkinak: 0 | Lasarte-Oriako udala | Kultura eta Jaiak
Beste urte batez San Pedro jaiak gero eta gertuago ditugu, eta lehengo urtean egin moduan, Gazteria, Festak eta Kirola departamentuaren asmoa berriro ere hauen antolaketarako herritarren partea hartzea sustatzea eta bermatzea da, jaiak horrela aberasgarriagoak, zabalagoak eta herrikoiagoak baitira.
Hori dela eta, martxoaren amaieratik aurrera pausoak emateari ekingo diogu. Lehengo urteko esperientziatik ikasi, prozesuak emandako esperientzia positiboak aintzat hartu, eta aldatu beharrekoak aldatzeko asmoa dugu.
Planteamendua 2012. urteko oso antzekoa izango da, baina aldaketa garrantzitsu bat izango du: 2012. urtean proposamenak bildu genituen batik bat, informazio guztia ostean departamentuak kudeatuaz. Aurtengoan, herritarrek eta herriko elkarteek iniziatiba hartu eta jaien antolaketan gehiago inplikatzea sustatu nahi dugu, haiek izan daitezela antolaketan partaide, eta ez proposatzaile soil.
Hori dela eta:
-
Datorren ostegunean, martxoaren 21an, HERRIKO ELKARTE EZBERDINETAKO ORDEZKARIAK eta, parte hartu nahiko luketen herritarrak ere bai, Kultur Etxean, arratsaldeko 19.00etan ospatuko dugun bilerara gonbidatu nahiko genituzke. Bilera honen helburua, batzorde iraunkor bat sortzea da, jai batzorde bat, bildutako proposamenak bertatik kudeatzeko, eta aldi berean, herritar eta herriko elkarteen iniziatibak bideratzeko.
Besterik gabe, Gazteria, Festak eta Kirola departamentutik herritarrak eta herriko elkarteetako ordezkariak gonbidatu nahiko genituzke bilera eta dinamika guzti hauetan parte hartzera, Lasarte Oriako historian izan diren festa partehartzaileenak prestatzeko. Beste behin ere, busti zaitez festa hauetan, jaietan blai!
