Albisteak
Egitarau aberatsa aurtengo Udaltop Soziolinguistika Jardunaldietan
2014-05-09 | iruzkinak: 0 | Lasarte-Oriako udala | Euskara eta Hezkuntza
Datorren astean izango da gure herrian Udaltop Soziolinguistika Jardunaldia. Maiatzaren 15ean eta 16an Lasarte-Oriako Manuel Lekuona Kultur Etxean egon nahi duenak www.elkarrekinberritzen.net webgunera sartzea besterik ez du. Euskalgintzako edozein pertsonari edota interesatuta egon daitekeen edonori dago zuzendua.
Euskal Herri osotik etorritako 150 euskara teknikari, zinegotzi eta gaian interesatutako euskaltzaleak bilduko dira gure herrian. Jardunaldia ostegun goizean hasiko da eta euskara-planak garatzeko oinarriak izango dituzte mintzagai hiru ponentzia hauetan:
Arratsaldean, berriz, oinarri horien gainean bost herritan (tartean Lasarte-Orian) egin diren interbentzioen berri emango dute. Horretaz gain, erakundeek jendaurrean euskaraz egiten dutenean sortu ohi diren zailtasunei nola aurre egin aurkeztuko duen ponentzia ere izango da:
Ostiral goizean, berriz, aurrera begirako lana egingo dute eta hiru ponentzia izango dira UEMA, Jaurlaritza eta Eralan proiektuaren aldetik, eta bestalde, berriz, parte-hartzaile guztiek jardunaldietan jasotako guztiaren digestioa egin ahal izango dute “nola berritu euskara erabiltzeko planak elkarrekin?” galderari talde-lanean erantzunez.
