Albisteak
Adjudikatu dira Garaikoetxea I.P.ko eta Jubilatuen Elkarteko leihoak ordezkatzeko lanak
2017-03-17 | iruzkinak: 0 | Lasarte-Oriako udala | Hirigintza eta zerbitzu orokorrak
Iparragirre Eraikuntzak Lanak S.L. enpresak exekutatuko ditu Garaikoetxea I.P.ko eta Jubilatuen Elkarteko leihoak ordezkatzeko lanak.
Aurkeztutako 5 proposamenak aztertu ondoren, Iparragirre Eraikuntzak Lanak S.L. egingo ditu aipatutako leihoak ordezkatzeko lanak, 351.600 euroan.
Hobekuntza gisa, baldintza agirietan eskatutakoa baino isolamendu akustiko eta termiko handiagoa eskaini du enpresak, batere kosturik gabe.
Leihoak ordezkatzearen kostua 288.023 eurokoa da. Horretarako, %60ko diru-laguntza eskatu zaio Eusko Jaurlaritzari, eta ebazpenaren zain gaude.
Jubilatuen Elkarteko leihoei dagokienez, kostua 63.577 eurokoa da, eta Udalak ordainduko du osoki.
