Albisteak
Udalak hiru urterako hitzarmena sinatu du Aterpearekin
2017-07-11 | iruzkinak: 0 | Lasarte-Oriako udala
Gaur goizean, Aterpea merkatari-elkartearen eta Lasarte-Oriako Udalaren arteko hitzarmen bat sinatu da, gure herrian merkataritza aktibatzea eta indartzea bilatzen duena. Aurtengo berritasuna da hitzarmena hiru urterakoa dela.
Jesus Zaballosek (Udalaren izenean) eta Ramon Ormazabalek (Aterpea ordezkatuz) sinatu zuten hitzarmena, Udalak eta Aterpeak 2017-2019 epean aurrera eramango dituzten jarduketetarako marko gisa balioko duena.
Aterpeak urtean 30.508 euroko aurrekontua du. Udalak urteko 11.860 euro bideratuko ditu aurreikusitako jarduerak finantzatzeko.
Hitzarmenak, Merkataritza eta Ostalaritza Aktibatzeko Planaren eta Merkataritza Biziberritzeko Plan Bereziaren balio-aldia mantentzen duelarik, honako konpromiso hauek inplikatzen ditu Lasarte-Oriako Udalarentzat:
-
Bazkide berriak erakartzeko elkarrekiko kanpaina, urtebetez haien kuotak finantzatzea barne hartuko duena.
-
Aterpearen protagonismoa indartzea.
-
Interes lokaleko ebentuen zabalkundea sustatzea erakusleihoen bidez.
-
Aterpeak Merkataritza biziberritzen egitasmoan eta Tratu on bat markaren eta haren webgunearen promozioan aktiboki parte har dezan sustatzea.
-
Bizitza komertzialari eragiten dioten ekimen berrietan parte hartzeko proposatuko dio Aterpeari.
Aterpeak, berriz, honako hauek egingo ditu:
-
Bazkide berriak erakartzeko kanpaina bat.
-
Sagardo-potearen eguna.
-
Udaberriaren Eguna ospatzea.
-
Osasunaren, Ongizatearen eta Estetikaren Astea.
-
Sana Anako pintxoaren kanpaina.
-
Stockaren Azoka.
-
Bezeroaren Hamabostaldia.
-
Pintxo Gastronomikoaren Ibilbidea.
-
Black Friday
-
Eguberrietako Kanpaina.
-
Parkinga Dohainik kanpaina.
-
Udalaren sariak erosketa-bonuekin pagatzea.
-
Herriko merkataritzaren publizitatea eta promozioa.
