Albisteak
Udalak 20 informazio-panel gorri berri instalatuko ditu
2018-08-01 | iruzkinak: 0 | Lasarte-Oriako udala
Udalak Apatta Aroztegia enpresari kontratatu dio 20 informazio-panel gorriren hornidura, Lasarte-Oriako hainbat tokitan ipintzeko, 8.095 euroko kostuarekin.
Jarduketa honen bidez, zabaldu egin nahi dira lasarteoriatarrek eta herriko elkarteek herritarrei hainbat informazio eskaini ahal izateko dauzkaten guneak.
Panelak beharrezkoak dira, udalerriko horma eta faroletan informazio-kartelak ipintzea saihestuko bada, horrela gure herriko kaleak eta plazak garbiago edukitzen lagunduko baita.
Behin enpresak panelak hornitutakoan, udaleko brigada panelak Lasarte-Oriako hainbat tokitan instalatuz joango da.
