Albisteak
Matxura Lasarte-Oriako goi-saneamenduko sarean
2015-11-20 | iruzkinak: 0 | Lasarte-Oriako udala
Gaur ostiralean, azaroaren 20an, eguerdiko 12:50 aldera matxura bat gertatu da Añarbeko Uren titulartasuneko goi-saneamenduko sarean, Kale Nagusiko 26. zenbakiaren parean, San Pedro parrokiako oinezkoentzako alboan. Inguru horretako lur-azpian orain urte asko instalatu zituzten hodien balbula batek huts egiteagatik gertatu da matxura. Hodi horiek Usurbildik Hernanira bitarteko kolektore orokor berriaren parte dira orain, eta kolektore horrek, aurki, Lasarte-Oriako eta Usurbilgo udalerrietako hondakin-urak Donostiara eramango ditu, Loiolako araztegiraino.
