Albisteak
LASARTE-ORIAKO UDALAREN ETA ATERPEAREN ARTEKO HITZARMENA
2016-09-19 | iruzkinak: 0 | Lasarte-Oriako udala
Ostiralean, Aterpea Merkatari-elkartearen eta Lasarte-Oriako Udalaren arteko hitzarmen bat sinatu zen, gure herrian merkataritza aktibatzea eta indartzea bilatzen duena.
Jesus Zaballosek (Udalaren izenean) eta Ramon Ormazabalek (Aterpea ordezkatuz) sinatu zuten hitzarmen hau, Udalak eta Aterpeak aurten aurrera eramango dituzten jarduketetarako marko gisa balioko duena. Udalak 10.000 euro zuzenduko ditu jarduera desberdinak finantzatzeko.
Hitzarmenak, Merkataritza eta Ostalaritza Aktibatzeko Planaren eta Merkataritza Biziberritzeko Plan Bereziaren balio-aldia mantentzen dituelarik, honako konpromiso hauek inplikatzen ditu Lasarte-Oriako Udalarentzat:
- Bazkide berriak erakartzeko elkarrekiko kanpaina, urtebetez haien kuotak finantzatzea barne hartuko duena.
- Aterpearen protagonismoa indartzea.
- Teknologia berrietan eta komunikazioan taldeka formatzeko plan bat prestatzea.
- Banakako aholkularitza eskaintzea, marketineko aholkulari baten bitartez.
- Interes lokaleko ebentuen zabalkundea sustatzea erakusleihoen bidez.
- Aterpeak Merkataritza biziberritzen egitasmoan eta Tratu on bat markaren eta haren webgunearen promozioan aktiboki parte har dezan sustatzea.
- Bizitza komertzialari eragiten dioten ekimen berrietan parte hartzeko proposatuko dio Aterpeari.
Aterpeak, berriz, honako hauek egingo ditu:
- Bazkide berriak erakartzeko mailing bat.
- Ardo-dasta Eguna
- Sagardopote Eguna
- Hipodromoaren Mendeurrenaren Ospakizuna
- Udaberriaren Eguna ospatzea.
- Santa Anako pintxoaren kanpaina.
- Stockaren Azoka.
- Bezeroaren Hamabostaldia.
- Pintxo Gastronomikoaren Ibilbidea.
- Black Friday
- Eguberrietako Kanpaina.
