Albisteak
Lasarte-Oriako Literatura-Lehiaketa
2016-03-29 | iruzkinak: 0 | Lasarte-Oriako udala
Onetsi dira Lasarte-Oriako XXX. Literatura-Lehiaketaren eta Haurrentzako XXIX. Literatura-Lehiaketaren oinarriak. Lanak aurkezteko epea 2016ko maiatzaren 13ra arte da.
Haurrentzako Literatura-Lehiaketaren 29. edizioa izango da aurten. Lanak euskaraz nahiz gaztelaniaz aurkeztu ahalko dira, eta gaia libre izango da. Oinarriek, oraindik orain argitaratuak, 3 kategoria ezartzen dituzte:
- “A”, 2007. urtean edo geroago jaiotakoentzat.
- “B” 2004tik 2006ra bitartean jaiotakoentzat.
- “C” 2001etik 2003ra bitartean jaiotakoentzat.
Espezialitateei dagokienez, “A” eta “B” kategorien kasuan, lanak ipuinaren sailean aurkeztu ahalko dira; “C” kategoriaren kasuan, berriz, ipuinaren eta poesiaren sailean. Ipuinek gutxienez 3 orri izan beharko dituzte, eta poemek gutxienez 60 bertso-lerro.
Ipuinen espezialitaterako sariak hauek dira:
1. saria: 150 € (75 € dirutan eta 75 €-ren bonua liburuetarako) eta diploma.
2. saria: 112 € (56 € dirutan eta 56 €-ren bonua liburuetarako) eta diploma.
3. saria: 76 € (38 € dirutan eta 38 €-ren bonua liburuetarako) eta diploma.
Poesiaren espezialitaterako sariak hauek dira:
1. saria: 150 € (75 € dirutan eta 75 €-ren bonua liburuetarako) eta diploma.
Helduentzako Literatura-Lehiaketak, berriz, 30. edizioa beteko du. Lanak euskaraz nahiz gaztelaniaz aurkeztu ahalko dira, eta gaia libre izango da. Lanek argitaratu gabeak eta originalak izan beharko dute, eta beste lehiaketaren batera inoiz aurkeztu gabeak. Lasarte-Orian erroldatutakoek “Lasarte-Oria” saria irabazteko aukera ere izango dute.
Lanak espezialitate hauetara aurkez daitezke: poesia eta mikrokontakizunak. Mikrokontakizunek gehienez ere 1500 karaktereko hedadura izan behar dute; poemen kasuan, berriz, metrika eta hedadura libreak izango dira.
Poesiaren espezialitaterako sariak hauek dira:
- Euskara: 650 € eta diploma.
- “Lasarte-Oria” euskaraz: 650 € eta diploma.
- Gaztelania: 650 € eta diploma.
- “Lasarte-Oria” gaztelaniaz: 650 € eta diploma.
Mikrokontakizunen espezialitaterako sariek bi kategoria dituzte:
- “A” 1986 eta 2000 bitartean jaiotakoentzat.
- “B” 1986 baino lehenago jaiotakoentzat.
Bi kategorietan sariak hauek dira:
- Euskara: 325 € eta diploma.
- “Lasarte-Oria” euskaraz: 325 € eta diploma.
- Gaztelania: 325 € eta diploma.
- “Lasarte-Oria” gaztelaniaz: 325 € eta diploma.
Sarien banaketa 2016ko azaroaren 19an egingo da. Sariaren gainerako baldintzak jakiteko, erantsita doazen oinarriak kontsultatu behar dira.
