Albisteak
Larunbatean ospatzen da Lasarte-Orian BASERRI-PRODUKTUEN V. Feria
2017-11-08 | iruzkinak: 0 | Lasarte-Oriako udala
Behemendik antolatua, Baserri-Produktuen V. Feria aurkeztu da. Hurrengo azaroaren 11an ospatuko da, Okendo Plazan, 10:00etatik 14:00etara 10 postu eta umeentzako jolasak.
Feria honen ezaugarriak hurrengo hauek dira:
- Azoka Okendo plazan egingo da, larunbatean, azararoaren 11an, 10:00etatik 14:00etara.
- 8-10 saltoki jarriko dira Okendo Plazan, nekazaritzako produktuen erakusketa eta salmentarako.
- Antzinako jolasez osaturiko zona bat egongo da umeek jolasteko.
Ferian aurkitu ahal izango diren produktuak dira: jatorrizko izendapeneko Idiazabal gazta, behi-esnekiak, ahuntz-gazta, Tolosako babarrunak, ahate-haragia eta eratorriak, Euskal Txerriaren hestebeteak, arraza pirenaikako eta terreñako behikia, eskuz egindako pastak eta baserriko ogia, baserriko jogurtak, mermeladak eta konfiturak, kremak eta ukenduak, hazi ekologikoak, elikaduran erabiltzeko loreak, landareak eta sustraiak, etab.
Nekazaritzako azokak baserriko produktuak merkaturatzeko bide bikainak izan dira. Sektorearen krisiak berak eta herritarren kontsumo-ohituren aldaketek produktu horien kontsumoa pixka bat gutxitzea eragin dute.
Kasu honetan, lokalizazio geografiko ezberdinetako baserri-produktuen azoka berezia aurkezten da, Okendo Plazan egingo dena. Azokaren helburua baserriko produktuen zuzeneko salmenta bultzatzea da, bai eta produktu horien promoziorako erakustoki bat edukitzea ere. Azoka hau aisiako jarduera moduan ere aurkez daiteke, eta astegunetan merkatuetara joan ezin direnentzako aukera gisa ere bai.
