Albisteak
Larunbatean aurtengo aniztasunaren jaialdia ospatuko da
2014-10-22 | iruzkinak: 0 | Lasarte-Oriako udala
Aniztasuna aberastasuna da lemapean aurten bigarren Aniztasun jaialdia ospatuko dugu gure herrian dugun kultur aniztasuna beste behin ere balorean jartzeko. Aurreko urteko gabonetan egin zen aurreneko jaialdia eta aurtengo edizioa pixka bat aurreratu da urrian klimatologia hobearekin egiteko esperantzarekin. Beste behin ere, antolatzaileak herriko elkarte ezberdinek osatzen duten Anitzen sarea eta Udala izango dira.
Ostirala eta larunbatean zehar egingo diren ekimen ugarik osatzen dute aurtengo programa, bertan hizkuntza, kultura, gastronomia, kirola eta musika izango dira beste batzuen artean.
Programa:
Ostiralean:
DINBIBANDA = Ostiralean arratsaldeko 20:30etan jendeari tresnak frogatzeko aukera emango diogu eta ikastaro txiki bat emango dugu jendea gurekin taldean animatzeko.
Larunbatean:
Kiroldegian:
10:00etan Sasoetako Guraso elkarteak antolatuta Boleibol partida
11:00etan Futbol partida
Okendo plazan:
10:30etan Banaiz Bagara elkarteak antolatutako Mintzodromoa
Maila ezberdinetan euskaraz ikasten ari diren ikasleak euskal hiztunekin hizketalda bat izateko aukera izango dute. Gai ezberdinak landuko dira:
-Dastatu euskaraz: Eseri lasai eta erakutsiko dizkizuegu hitz batzuk euskaraz.
-Lasarte-Oriako euskal indioak: Hemen “indioz” hitz egiten dugu. Akats, hizkera mota, zeinu hizkuntza, indio klase guztiak onartzen ditugu.
-Nola sentitu eroso, bi hizkuntzetan: euskarazhitz egiten dizute eta ez duzu ulertzen, euskaraz hizt egin nahi duzu ez dakien pertsona batekin,…nola manejatu horrelako egoerak.
-Islama ezagutu: Euskal islamiar kontseiluko kide bat etorriko da.
-Zergatik jendea patera batean etortzen den: Bizi esperientzia hau izan duen kide batek parte hartuko du.
12:00etan Kulturarteko Dantza erakustaldia Kukuka, Erketz, Sahara, Nigeria, Errumania,…
12:30etan Bideoklip grabaketaren dantza entseguak
13:00etan Bideokliparen grabaketa
13:30etan BANAIGA BAND musika emanaldia
14:00etan Kultura ezberdinetako jaki dastatzea.
16:00etan Eliza ebangelikoak antolatutakokantu eta dantzaldia.
16:00etan Kultur aniztasunaren Karaokea Sasoetako Guraso elkarteak antolatuta Extremeña elkarteak
17:00 Amaiera
Larunbateko jaialdira animatzeko bideo:
