Albisteak
Herriko areto futbola txapelketaren amaierako jardunaldia
2018-06-21 | iruzkinak: 0 | Lasarte-Oriako udala
Datorren larunbatean, ekainak 23, jokatuko da Udal Kirol Zerbitzuak antolatutako udalerriko areto futbola txapelketaren amaierako jardunaldia.
Maialen Chourraut kiroldegian kontsolazioko eta txapelketako finalak jokatuko dira.
Jardunaldia 16:30ean hasiko da Izen Gabe eta Irigoien taldeek kontsolazioko finala jokatuz; 17:45ean Buenetxea eta Patricio taldeen arteko final nagusiari hasera emango zaio.
Finalak jokatu ondoren sari hauek banatuko dira: gol gutxien jaso dituen taldea, gol gehien sartu dituen jokalaria, finaleko jokalari hoberena, kontsolazio txapelketako eta txapelketa nagusiko txapeldunordea eta txapelduna.
Txapelketa irabazten duen taldeak Lasarte-Oriaren izenean parte hartuko du irailaren 7 eta 8an Usurbilen jokatuko den Buruntzaldeko topaketan.
