Albisteak
Gurutze Gorriak bihotz geldiketa batean nola jokatu erakusteko doako tailerrak egingo ditu Urbil Merkataritza Gunean
2018-05-28 | iruzkinak: 0 | Lasarte-Oriako udala
Tailerrak ekainaren 2an, larunbatean, 10:30etatik 13:30etara eta 17:00etatik 20:00etara egingo dira.
Bihotz geldiketa batean lehengo minutuetan nola jokatu jakitea berebizikoa da pertsona salbatzeko orduan. Horregatik, Gurutze Gorriak lan berezia egiten du herritarrek lehen sorospenen eta bihotz-biriken bizkortze maniobren oinarrizko ezagutzak izan dezaten. Larunbatean, ekainaren 2an, Lasarteko Gurutze Gorriak BBB (Bihotz-Biriketako Bizkortzea) tailerrak egingo ditu Urbil Merkataritza Gunean. Orokorrean jende guztiari zuzendutako doako tailerrak izango dira, 10:30etatik 13:30etara eta 17:00etatik 20:30etara eta ez da aurrez izena eman behar.
