Albisteak
Emakumeen saskibaloiko 4ko torneoa
2015-12-04 | iruzkinak: 0 | Lasarte-Oriako udala
Emakumeen saskibaloiko Euskadiko, Madrilgo, Gaztela eta Leongo eta Galiziako selekzioek lauko torneo bat jokatuko dute hil honen 6an eta 7an.
Emakumeen saskibaloi infantileko lau selekziok torneo bat jokatuko dute gure herrian: Euskadiko, Madrilgo, Gaztela eta Leongo eta Galiziako selekzioak. Espainiako Txapelketarako prestatze-prozesuan daude, eta hura jokatu baino lehen hauxe izango dute beren azken azterketa.
Lasarte-Oriako Udaletik egokitzat jo dugu Ostadarren eskutik datorren ekimen honi babesa ematea, zeren, kirola bultzatzea beharrezkoa bada ere, are gehiago baita emakumeen kirolaren kasuan.
Lehiaketa haien arteko lauko bat izango da. Selekzio bakoitzak hiru partida jokatuko ditu abenduaren 6an eta 7an, Lasarte-Oriako Kiroldegian, goizeko 10:15etik aurrera.
Partidak hauexek dira:
IGANDEAN
-
Gaztela eta Leon vs Euskadi 10:15ean
-
Galizia vs Madril 12:00etan
-
Euskadi vs Madril 16:45ean
-
Gaztela eta Leon vs Galizia 18:30ean
ASTELEHENEAN
-
Euskadi vs Galizia 10:15ean
-
Madril vs Gaztela eta Leon 12:00etan
Udalak bere gain hartuko du harrerako pertsonalaren aparteko orduen kostua, eta Ostadarri dohainik utziko dizkio pistak.
