Albisteak
Emakume-zentroak hurrengo lauhilekorako eskaintza zabal eta plurala luzatu du
2015-01-29 | iruzkinak: 0 | Lasarte-Oriako udala
Hurrengo astelehenean, otsailaren 2an, emakume zentroko ikastaro berrietan izen emateko epea irekiko da. Aurre-inskripzioa egin nahi dutenek datorren astean hiru egun izango dituzte goizeko 9:30etik 13:00etara eta arratsaldean 15:30etik 19:30era. Ikastaro guztiak otsailaren 16tik ekainaren 26ra artean egingo dira.
Lasarte-Oriako emakume zentroak sexuen arteko bizikidetzarako erreferentziazko zerbitzua izatearen bidean lanean dihardu. Horretarako lau hileko honetan adin desberdinetako herritar guztiei zuzenduta ikasteko, parte hartzeko, banaka eta taldeka ahalduntzeko eta elkartzeko toki izaten jarraitzeko ikastaro eta ekintza ezberdinak antolatu ditu.
Otsailetik ekainera denbora, modu eta elkarlanean toki desberdinetan burutuko diren ordaintzeko eta doako ekintzak antolatu dira.
Ikastaro luzeak (4 hilabete)
13 ikastaro izango dira, hauetatik 7 ordaindu beharrekoak eta beste 6 doakoak. Gainera, irailean hasi ziren kirol-ekintzek jarraipena izango dute.
Yoga, jantzi-konponketak eta patroiak, bitxiak, orratz-lanak, emakumeen arteko elkarrizketa-esparruak, biodantza, kantua, eskulanak, ehoziriak, tai-txia, euskararen txokoa, sabel-dantza eta antzerkia ditugu.
Ikastaro motzak
Guztira 9 ikastaro izango dira.
- Menopausia modu positiboan nola bizi, berdintasuna sustatu emakume eta gizonen artean, nerabeak dituzten familiei zuzenduta, ezetz da ezetz, gureak kaleak eta gauak, zer ote da feminismoa, sexualitate kontuak nola landu nerabeekin, bikotean bizi, elkarbizitza hobetzeko tresnak eta autodefentsa ikastaroak ditugu.
- KZgunekoekin lankidetzan
Oinarrizko interneta eta Google Apps erabiltzeko kurtsoak.
- Eta ikastaro motzetan “Ezetz da ezetz, gureak kaleak eta gauak!!!” aipatuko genuke. Tailer honetan, dauden indarkeria mota ezberdinak landuko dira, baita hauen jatorria ere. Aurreko lau hilekoan Jostailu hezkidetzailea, ez sexista ezta belikoaren antzera, tailer honetan lantzen denarekin, neska eta mutil parte hartzaileekin indarkeria matxistaren aurkako gida bat osatu eta argitaratuko da San Pedroetako jaietan banatzeko.
Topaketak
Otsailean jubilatuen elkartearekin eta maiatzean emakume etorkinekin topaketak antolatuko dira, emakumearen zentroko zerbitzuen informazioa eman eta elkarlana bideratzeko.
Sexualitateren inguruko ikastaroak Gaztelekuan
Programa honek lauhileko honetan izango dituen jarduera, berrikuntza nagusiak azpimarratzeko Gaztelekuan ireki den sexu-informazioko eta aholkularitzako bulegoak antolatutako hiru kurtsoak aipatuko genituzke:
- Nola hasi, zaindu eta bukatu gure harremanak
- Bideo pornoek eragina dute gure sexualitatea bizitzeko moduan?
- Sexu-aniztasuna, sexu-orientazio ezberdinak, modu ezberdinak neska edo mutila izateko…
Lasarte-Oriako berdintasun-diagnostikoa
Otsailaren 24an 18:30ean eta otsailaren 25ean 11:00etan Villa Mirentxun bilduko gara. Lasarte-Oriako emakumeen eta gizonen errealitatea ezagutzeko diagnostikoa burutzen ari gara, horretarako herritarren iritziak jaso nahi ditugu, gero datu-bilketa horren ondorioetatik Lasarte-Oriako Udaleko I. Berdintasun-plana sortzeko helburuarekin.
Emakume-zentroko barne-araudia lantzeko topaketa apirilean
Zeri erantzun behar dio zerbitzu honek? Nori zuzendua dago zentroa? Gizonezkoek ba al daukate parte hartzerik?... Galdera horiei guztiei erantzuteko, parte-hartzezko saioak egingo dira.
Aurreinskripzioa egiteko epea:
Otsailaren 2an, 3an eta 4an, 9:30etik 13:00etara, eta 15:30etik 19:30era.
Matrikulazioa
Otsailaren 9an, 10ean eta 11n, 9:30etik 13:00etara, eta 15:30etik 19:30etara.
Emakume-zentroaren erabilera autonomoa
Emakumeen zentroaren instalazioak unean uneko edo aldi baterako herriko taldeek eta emakume elkarteek era autonomoan erabiltzeko aukera. Orain artean bezala, nahi duen orok emakumeen zentroa bere eskura dauka.
