Albisteak
Bi ikastaro berri Emakume zentroan: “Zer ote da feminismoa?” eta “Erotika eta sexualitatea menopausian”
2014-03-20 | iruzkinak: 0 | Lasarte-Oriako udala | Emakumea
Lasarte-Oriako Sexuen arteko Bizikidetzarako Emakume Zentroak hurrengo egunetan bi ikastaro berri jarriko ditu martxan; “Zer ote da feminismoa?” eta “Erotika eta sexualitatea menopausian”. Izena ez baduzu eman eta interesatua egonez gero jarri zaitez harremanetan, 943363958 telefono zenbakira deituz, emakumezentroa@lasarte-oria.org helbidera mezu bat bidaliz, edo Emakume zentrora jo dezakezu: Aralar plaza, 5.
Eskainiko diren kurtsoak:
-ZER OTE DA FEMINISMOA?
Martxoak 26, asteazkena, 15:00tatik 17:00tara
Lasarte-Oriako Emakume zentroan
Ikastaro honetan hainbat kontzeptu aztertuko ditugu: Sexua, Generoa, Patriarkatua, sexu genero sistema, sozializazio bereizia… Elkarren arteko harremanak, emakumeak eta gizonak nola gizarteratzen garen, eta emakumeen egora eta hauen posizioa eremu soziopolitiko eta kultural ezberdinetan ulertzen lagunduz.
-EROTIKA ETA SEXUALITATEA MENOPAUSIAN
Martxoak 27, apirilak 3 eta 10, ostegunetan, 15:00tatik 17:00tara
Lasarte-Oriako Emakume zentroan
Menopausiaz modu positiboan eta gorputz sexuatuaz hitz egingo dugu; aukera erotikoei helduko diegu; baita emakumeen desirak jarraitu ahal ditzaketen logikei ere.
