Albisteak
2014. urteko maketa lehiaketa martxan da
2014-09-30 | iruzkinak: 0 | Lasarte-Oriako udala | Gazteria
Epeak:
Maketa lehiaketa irailaren 29tik aurrera martxan izango da. Taldeek urriaren 31ra arte aurkeztu ahalko dituzte haien lanak.
Betebeharrak:
Lehiaketa honetan parte hartzeko oinarriak oso sinpleak dira, hona hemen laburpentxo bat:
- Parte hartzaileek udaletxeko web orrialdean eskuragarri izango dituzte oinarriak, bertan zehatz mehatz zehazten delarik aurkeztu beharreko guztia.
- Formatu komertzialean lanik argitaratu ez duten taldeei zuzenduriko lehiaketa bat da hau. Edozein musika motatako taldeak izan ahalko dira parte hartzen dutenak.
- Parte hartzaileek 3 abesti aurkeztu beharko dituzte lehiaketara, epaimahaiak baloratu distan.
- Kantuak, musika@lasarteoriasarean.eu e-mailera bidali beharko dira.
Sariak:
Aurkeztutako lanen ezaugarrien arabera eta musika taldearen osaketaren arabera, hiru sari modalitate ezberdin izango ditu 2014. urteko maketa lehiaketak:
- Lehen saria: taldekideen jatorria edozein delarik, eta abesteko hizkuntza ere edozein delarik. Saria: 1000€ eskudirutan.
- Lasarte-Oria saria: gutxienez taldekideen %50 Lasarte-Orian erroldatuta dagoen taldeek parte hartu ahalko dute. Saria: 700€ eskudirutan.
- Euskara saria: euskararen normalizazioan bidea egiten jarraitze aldera, eta euskaraz abestera animatzen diren taldeei babes txiki bat gehiago ematea bilatuaz, euskaraz abesten duten talde guztiek hartuko dute parte modalitate honetan. Saria: 500€ eskudirutan.
Oharra: talde bakar batek modalitate bat baino gehiagotako saria jaso ahalko du, baldin eta hauetan parte hartzeko eskakizun guztiekin betetzen duen.
Epaimahaia:
Lanen kalitatea baloratu eta sariak banatzeko epaimahaia, Gazteria eta Festak departamentuak izendatuko du, honen kideen arteko paritatea mantentzeko saiakera berezi bat eginaz, berdintasunaren bidean ere lana egiten jarraitzeko.
Oinarriak (PDF) | Izena emateko fitxa (RTF)
