Albisteak
Otsailaren 23an, Kiroldegian, emakumeei zuzenduriko Lilatoia prestatzeko tailerra
2015-02-19 | iruzkinak: 0 | Lasarte-Oriako udala | Emakumea
Martxoaren 1ean izango da aurten Donostiako Lilatoi lasterketa. Hori dela eta, Kiroldegiak Emakume-zentroarekin elkarlanean emakumeei zuzenduriko tailerra antolatu du datorren astelehenean, otsailak 23, goizeko 9:00etan Kiroldegian.
Tailer horretan, Kiroldegian aholkularitza-zerbitzua ematen duen teknikariaren laguntzaz, lasterketa aurreko aste horretan proba prestatzeko zer egitea komeni den landuko dute emakumeek. Demagun, nola izan behar duen gure elikadurak azkeneko aste horretan, gihar-luzaketak noiz eta nola egin behar diren, lasterketaren egunean nola hasi eta bukatu behar dugun lasterketa, erritmoa, zer arropa, zapatilak komenigarriak ote diren… Tailerra doan da.
