Albisteak

Ireki da enpresa txikiak sortzeko laguntzetarako epea

2018-06-11 |  iruzkinak: 0 | Lasarte-Oriako udala

Udalak merkataritzaren, ostalaritzaren edo zerbitzu pertsonalen arloan enpresa txikiak sortzeko laguntzen eskaeretarako epea ireki du. Aurten deialdia 35.000 eurokoa da, laguntza-lerro berri bat sortu baita desgaitasunen bat duten edo 55 urtetik gorako adina duten pertsonentzat. Laguntzak abenduaren 31ra arte eskatu ahalko dira.

Gure udalerrian hirugarren sektorea indartzeko helburuarekin, Jesus Zaballos alkateak laguntzen deialdi berria aurkeztu du, Lasarte-Orian merkataritzaren, ostalaritzaren edo zerbitzu pertsonalen sektoreei lotutako enpresa txikiak sortzeko. Zaballosek, Nuria Fernández sozioekonomiako zinegotzia lagun zuela, nabarmendu du aurten diru-laguntzetako lerro berri bat sortu dela, desgaitasunen bat duten edo 55 urtetik gorako adina duten pertsonei zuzendua eta 2.500 euroko topea duena: enplegagarritasun zailagoa duten lasarteoriatarrentzako laguntza berezi bat.

Laguntza eskatu ahalko dute, merkataritzako jarduera dutelarik, 2018ko urtarrilaren 1etik Lasarte-Orian merkataritzako, ostalaritzako edo zerbitzu pertsonalen prestazioko enpresa berri bat sortu duten pertsona fisiko nahiz juridikoek, betiere oinarrietan ezarritako baldintzak betetzen badituzte. Aurkezteko epea urtearen amaierara artekoa da.

Izaera orokorrarekin, diruz laguntzekoak diren gastuen % 40koa izango da diru-laguntza gehienez, topea 1.500 eurokoa delarik. Izaera partikularrarekin, Eragin Komertzial Maximoko Eremutik kanpo kokaturiko establezimenduentzat, erretiroagatik eskualdatuak badira edo eskatzaileak gutxienez % 33ko desgaitasuna aitortua badu, diru-laguntza gehienez ere % 60koa izango da, 1.800 euroko kopurura arte.

Lehendik zeuden laguntza-lerroei % 33tik gorako desgaitasun aitortua edo 55 urtetik gorako adina duten pertsonei destinatutakoa batu zaie orain. Kasu honetan ere diru-laguntza gehienez % 60koa izango da, topea 2.500 eurokoa izanik.

Finantza daitezkeen gastuak hauek dira:

  1. Enpresa eratzeko gastuak: irekitzeko lizentzia, jarduerako lizentzia, negozioa martxan jartzeko pagatu beharreko beste tasa batzuk, notariotzako eta erregistroko gastuak.

  2. Errentamenduko gastuak, alokairu-kuotak.

  3. Segurantza Sozialeko langile autonomoen erregimen berezian kotizazioa pagatzeari dagozkion kuotak.

  4. Pertsona enplegatuak kontratatzearen gastuak. Nominak eta Segurantza Sozialeko kotizazioak.

  5. Jarduera abian jartzeko eta haren kudeaketa administratiborako aholkularitzako eta gestoriako gastuak.

Merkataritzako, ostalaritzako edo zerbitzu pertsonaletako enpresa berri batu sortu duten eta merkataritzako jarduera duten pertsona fisiko nahiz juridikoak izan ahalko dira oinarri hauetan arautzen diren laguntzen onuradun, betiere ondoko baldintza hauek betetzen badituzte:

  1. Jarduera Ekonomikoen gaineko Zergan eta Segurantza Sozialeko dagokion erregimenean hasierako alta 2018ko urtarrilaren 1etik aurrera emana izatea.

  2. Jarduera Ekonomikoen gaineko Zergan jarduera berean edo antzekoan matrikulatuta egona ez izatea zeinetarako laguntza eskatzen duten enpresa sortu aurreko sei hilabeteetan.

  3. Egoitza soziala eta fiskala Lasarte-Oriako lantoki batean izatea.

  4. Lasarte-Orian establezimendu bat izatea, zona baimendunean sarbide publikoa duena, zeinetan garatuko baitute aurkeztu beharreko bideragarritasun-planean deskribatutako jarduera.

  5. Ez da enpresa berritzat joko lehenagotik zegoen jarduera bat eskualdatzetik datorrena, baldin eta enpresaren titular berriak ahaidetasunezko erlazioren bat badu enpresa-jarduera eskualdatzen duen pertsonarekin, haren ezkontidearekin, ondorengoekin eta bigarren mailara arteko odolkidetasunezko edo ahaidetasunezko gainerako ahaideekin.

  6. Mikroenpresa izateko baldintza betetzea, hau da, gehienez ere 10 pertsonari lan ematekoa.

Programa honetan aurreikusitako laguntzak ezingo zaizkio diruz lagundutako gastu berengatik jasotako beste ezein laguntzari metatu. Gainera, negozioaren bideragarritasuneko programa bat aurkeztu beharko dute.

Informazio gehiago udalaren webgunean edo enplegu-dinamizatzailearekin kontaktatuz:

Informazioa eta dokumentazioa

Idatzi zure iruzkina

segurtasun kodea
Lege oharra onartzen dut
iametza interaktiboak garatuta
CSS | XHTML | WAI-A | Lege oharra | Irisgarritasuna