Albisteak

Hiru urterako hitzarmena sinatu dute Udalaren eta Kukukaren artean

2017-11-27 |  iruzkinak: 0 | Lasarte-Oriako udala

 

Jesus Zaballos alkateak eta Joxe Agirretxek Lasarte-Oriako Udalaren eta Kukuka Lasarte-Oriako Antzerki eta Dantza Taldearen arteko hitzarmen bat sinatu dute hiru urterako. Hitzarmenak 3.727 euro engaiatzen ditu 2017rako.

Hitzarmenak ezartzen duenez, udalak hiru urteetan emango dituen kopuruak hauek dira: 3.727 euro 2017rako, 3.779 euro 2018rako eta 3.832 euro 2019rako. Era berean, jabari publiko edo munizipaleko guneak proba-saio eta emanaldietarako dohainik uztera konprometitzen da Udala.

Kukuka Lasarte-Oriako Antzerki eta Dantza Taldea, berriz, martxoko Antzerki Topaketa, apirileko Dantza Topaketa eta Antzerkiaren Hamabostaldia antolatzera konprometitzen da. Kukukak, halaber, Lasarte-Oriako udalerriaren barruan beharrezko informazioa zabaltzeko konpromisoa hartzen du, bai eta jarduera horiek guztiak beren destinatarioentzat zentzuzkoa den ordutegi baten barruan garatzekoa ere, ezohiko kasuetan izan ezik, eta halakoetan Lasarte-Oriako Udalaren berariazko baimena beharko da.

 

Idatzi zure iruzkina

segurtasun kodea
Lege oharra onartzen dut
iametza interaktiboak garatuta
CSS | XHTML | WAI-A | Lege oharra | Irisgarritasuna