Albisteak
Alboka abesbatzak hiru urteko hitzarmena sinatu du Udalarekin
2017-10-31 | iruzkinak: 0 | Lasarte-Oriako udala
Hitzarmen honetan ezartzen da Alboka abesbatzak Lasarte-Orian urtean eman behar dituen kontzertuak, eta 2017 urterako 3.727 euroko diru-laguntza 11.227 euroko aurrekontu baterako.
Jesus Zaballos alkateak eta Jesus Oceda Albokako lehendakariak sinatu dute hitzarmena. Bertan, indarraldia hiru urtekoa delarik, bi alderdien betebeharrak eta diru-laguntzaren xedea ezartzen dira.
Zaballosek adierazi du oso harro dagoela Alboka abesbatzak egindako lanaz, eta ziurtatu du atsegina dela bere lanarekin gozatzea, oso goian uzten baitu Lasarte-Oriaren pabiloia edonora doazela ere.
Ocedak, bere aldetik, eskerrak eman ditu hitzarmenaren hiru urteko formatuagatik, “papeleoa” arintzeaz gain segurtasun handiagoa ematen baitie, eta eutsi egiten diote Lasarte-Oria izena edonora eramateko aspirazioari.
Hauek dira, besteak beste, Alboka abesbatzak hartu dituen betebeharrak:
- Lasarte-Orian (San Pedro, San Joan eta Eguberrietan) egindako emanaldiak.
- Truke-kontzertua (Jacako Orfeoia)
- Mezetan parte hartzea: Azkorte, San Pedro, Santa Zezilia eta Eguberriak.
- Askainen, Olentzeron eta Korrikan parte hartzea Urbilen.
Beste aldetik, Lasarte-Oriako Udalak hitzematen du gehienez ere 3.727,00€ko diru-ekarpena egingo duela 2017ko ekitaldirako, eta konpromiso-gastu gisa aitortua, ondorengo banakapen honen arabera:
- 2017(e)ko ekitaldia: 3.727,00 €
- 2018(e)ko ekitaldia: 3.779,00 €
- 2019(e)ko ekitaldia: 3.832,00 €
ALBOKA ABESBATZAren ohiko funtzionamenduak berarekin dakartzan gastu orokorrak zati batean ordaintzeko xedez gauzatu da hitzarmen hau, eta bereziki, ondorengo programa hauek eragindako gastuak
-
Elkarteak erabiltzen duen lokalaren mantentze-lanak, eta halaber, bere jardueretarako beste lokal batzuk erabiltzean sortutakoak.
-
Zuzendaritza Teknikoa eta Elkartearen mantentze-gastu orokorrak.
-
Abesbatzarako kide berriak erdiestea eta urteko jarduerak ezagutzera ematea.
-
Elkarteak urteko jardueren erakusgarri modura eskaintzen dituen kontzertuak.
-
Abesbatza-talde batekin truke bat egitea.
