Jakinarazten da ekainaren 30ean behin betiko amaituko dela LTDaren erabiltzaileek doako interbentzioak eskatzeko epea, 800 MHz-eko bandako 4G nodoek eragin ditzaketen afektazioengatik.

2018-06-11 |  iruzkinak: 0 | Lasarte-Oriako udala

Prestazioaren hasieran udal honek informatu zuen moduan, 4. generazioko telefonia mobilaren zerbitzuak (4G 800 MHz-eko bandan) afektazioak eragin ditzake lurreko telebista digitalaren (LTD) errezepzioan.

Afektazio horiei konponbidea emateko eta telefonia mobileko estazio baseak zerbitzuan jartzeak LTDa afektatuko ez duela bermatzeko, LLEGA800 entitateak beharrezko interbentzio teknikoak egiten ditu LTDaren erabiltzaileen errezepzioko instalazioetan. Interbentzio horiek dohainik dira herritar afektatuentzat.

 

gehiago irakurri

Ireki da enpresa txikiak sortzeko laguntzetarako epea

2018-06-11 |  iruzkinak: 0 | Lasarte-Oriako udala

Udalak merkataritzaren, ostalaritzaren edo zerbitzu pertsonalen arloan enpresa txikiak sortzeko laguntzen eskaeretarako epea ireki du. Aurten deialdia 35.000 eurokoa da, laguntza-lerro berri bat sortu baita desgaitasunen bat duten edo 55 urtetik gorako adina duten pertsonentzat. Laguntzak abenduaren 31ra arte eskatu ahalko dira.

gehiago irakurri

Euskara saileko diru-laguntzak eskatzeko aukera

2018-06-11 |  iruzkinak: 0 | Lasarte-Oriako udala | Euskara eta Hezkuntza

            Euskara Batzordeko lehendakaria den Jon Antxordoki jaunak 2018 urtean euskara-sailak egin duen diru-laguntza deialdia aurkeztu ditu. Guztira sei diru-laguntza lerro aurkeztu ditu eta horietarako 57.260 € daude onetsita.

 

            Deialdi bakoitzaren baldintzen eta eskaera-orrien berri nahi duen orok Udalaren webean du informazio guztia edo bestela Euskara-zerbitzura hurbil daiteke (943376184).

gehiago irakurri

Martxan da Askatasunaren Parkeari buruz parte hartzeko prozesua

2018-06-08 |  iruzkinak: 0 | Lasarte-Oriako udala

Alkateak Askatasunaren Parkearen etorkizuneko berrantolamenduari eta erabilerei buruzko ideiak eta iradokizunak jasotzeko prozesu berria aurkeztu zuen. Prozesua Emun kooperatibak zuzenduko du, 9.293 euroko kostuarekin.

Alkateak, Agustin Valdivia hirigintzako zinegotzia eta Emun kooperatibako proiektuaren arduraduna den Olatz Irizar lagun zituela, azaldu zuen prozesu honi ekiteko arrazoia dela herritarren eskari bati erantzuna ematea, bai eta Udalbatzarrak gobernuko ekipoari emandako agindu bati ere. Prozesua ekainaren 8an abiatuko da, herritarren ideiak eta proposamenak jasotzeko orri bat etxez etxe banatzearekin.

gehiago irakurri

Ekainaren 11tik 22ra zabalik egongo aurre-matrikulazio epea Dantza Eskolan

2018-06-08 |  iruzkinak: 0 | Lasarte-Oriako udala

Ekainaren 11tik 22ra zabalduko da aurre-matrikulazio epea Dantza Eskolan, 2018-2019 ikasturterako.

Matrikulazio epea irailaren 10etik 19ra izango da, Manuel Lekuona kulturetxean. Urriaren 1ean hasiko da ikasturtea.

10, 11 eta 12 urteko taldeetan sartu nahi duten ikasle berriek eta “helduek” mailaketa-proba bat egin beharko dute.

gehiago irakurri

Udalak 10.000 eurorekin finantzatuko du Aterpearen 25. urteurrena

2018-06-08 |  iruzkinak: 0 | Lasarte-Oriako udala

Lasarte-Oriako alkateak eta Aterpeako lehendakariak hitzarmen bat sinatu zuten, merkatari eta ostalarien elkarteak aurten ospatuko duen 25. urteurrenaren programa finantzatzeko.

Jesus Zaballos alkatea pozik agertu zen hitzarmen honekin, herri mailako merkataritza indartzen baitu, Udalaren eta arlo honetako elkarte-sarearen arteko harreman onak bultzatuz. Zaballosen iritziz, era honetako elkarte batean 25 urte bete izanak kontuan hartzeko moduko oinarri soziala eta sostengua dituela frogatzen du.

gehiago irakurri

Udalbatzarrak datorren asteartean ekainak 12 ohiko bilkura ospatuko du

2018-06-07 |  iruzkinak: 0 | Lasarte-Oriako udala

Udalbatzarrak datorres asteartean ekainak 12, arratsaldeko 18:30tan ohiko bilkura ospatuko du. Bertan ondoren zehazten diren gaiak eztabaidatuko dira:

gehiago irakurri

Gehituren Udako plazerak gaiari buruzko argazki-lehiaketarako epearen amaiera

2018-06-06 |  iruzkinak: 0 | Lasarte-Oriako udala

Ekainaren 15ean amaitzen da Udako plazerak gaiari buruzko argazki-lehiaketako lanak aurkezteko epea. Argazkiak sare sozialetara igo behar dira, eta saria otar bat plazer izango da. Lehiaketa hau transmisio sexualeko gaixotasunen prebentziorako Gehituren kanpainaren barruan dago.

gehiago irakurri

Udako Txokoetan izena emateko epea ekainaren 6tik 13ra izango da

2018-05-31 |  iruzkinak: 0 | Lasarte-Oriako udala | Euskara eta Hezkuntza

            Udalak antolatutako Udako Txokoek bi txanda izango dituzte, bata uztailean eta bestea abuztuan eta txanda bakoitzean bi modalitate eskainiko dira, 3 ordukoa (10:00etatik 13:00etara) eta 4 ordukoa (9:00etatik 13:00etara). 3 ordukoaren prezioa 100,00 €-koa izango da eta 4 ordukoarena, berriz, 135,00 €-koa. Haur Hezkuntzako 3 urteko haurretatik hasi eta Lehen Hezkuntzako 6. mailaraino egin duten gaztetxoak eman ahal izango dute izena.

gehiago irakurri

Aste Berdea 2018

2018-05-31 |  iruzkinak: 0 | Lasarte-Oriako udala

2018ko Aste Berdea ekainaren 4tik 8ra ospatuko da.

Aurkezpena

Iraunkortasunean eta berdintasunean oinarritutako garapen baten alde pertsonak agente aktibo bilakatu daitezen, eta gizarte-komunitateek ingurumen gaietan jarrera aldaketa sustatze aldera, Nazio Batuetako Asanblada Orokorrak, 1972ko abenduaren 15eko erresoluzioan 2994 (XXVII), ekainaren 5a Mundu mailako Ingurumen Eguna izendatu zuen, gizartea ingurumenaren zaintzearen eta hobetzearen aldeko sentsibilizazioa sustatzeko.

Orduz geroztik, urtero-urtero Nazio Batuek gai bat proposatzen dute mundu mailak lantzeko, eragin handiagoa izan dezan. Aurtengo gai nagusia “Plastikozko hondakinen kutsadurarik gabeko planeta baten alde” da. Helburu nagusia hiritarrak kontzientziatzea eta sentsibilizatzea da, plastikoaren gehiegizko kontsumoa saiheste alderan eta gehiegizko kontsumo horrek naturarengan duen eragin kaltegarriaz.

gehiago irakurri

iametza interaktiboak garatuta
CSS | XHTML | WAI-A | Lege oharra | Irisgarritasuna